اتىراۋدا يزرايلدەن كەلگەن دارىگەرلەر ءبىر كۇندە سەگىز وتا جاسادى

None
None
اتىراۋ. قازاقپارات - اتىراۋدا يزرايلدان كەلگەن دارىگەرلەر ءبىر كۇندە سەگىز وتا جاسادى، دەپ حابارلايدى قازاقپارات.

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ اقپاراتىنا سۇيەنسەك، بۇگىن، 26 -قازاندا يزرايل دارىگەرلەرى وبلىستىق پەريناتالدىق ورتالىقتا سەگىز وتا جاساعان.

«يزرايلدەن كەلگەن 3 دارىگەر كەسار تىلىگىمەن 7 اكۋشەرلىك جانە ءبىر گينەكولوگيالىق وتانى ءساتتى وتكىزدى. سونداي- اق، ولار مودۋلدىك اۋرۋحانانىڭ ينفەكتسيالىق ستاتسيونارىنداعى پاتسيەنتتەرگە كەڭەس بەرىپ، كۇردەلى وتاعا قاتىستى. شەتەلدىك دارىگەرلەر جۇكتى ايەلدەردى بوساندىرۋعا قاتىستى شۇعىل شارالارعا قاتىسۋعا نيەت ەتىپ وتىر»، - دەپ حابارلادى باسقارمانىڭ باسپا ءسوز قىزمەتى.

ەسكە سالا كەتەلىك، بۇعان دەيىن اتىراۋ وبلىسىندا بيىل 16 انا ءولىمى تىركەلگەنىن جازعان بولاتىنبىز.


سوڭعى جاڭالىقتار