22:29, 26 - قازان 2021 | GMT +6
اتىراۋدا شەتەلدىكتەرگە كۇش كورسەتكەن پوليتسەيلەر تەرگەلىپ جاتىر
اتىراۋ. قازاقپارات - اتىراۋدا شەتەلدىكتەرگە كۇش كورسەتكەن پوليتسەيلەر تەرگەلىپ جاتىر، دەپ حابارلايدى قازاقپارات.
اتىراۋ قالالىق پروكۋراتۋراسىنىڭ مالىمەتىنە سۇيەنسەك، كوشى-قون ءبولىمىنىڭ قىزمەتكەرلەرى بيزنەس سۋبەكتىلەرىنىڭ قىزمەتىنە تەكسەرىس جۇرگىزگەن.
«پوليتسيا قىزمەتكەرلەرى «دينا» ساۋدا بازارىنان وزبەكستاننىڭ بىرنەشە ازاماتىن كۇشتەپ الىپ كەتكەن. شەتەلدىكتەر اتىراۋ قالاسىنىڭ پروكۋراتۋراسىنا شاعىممەن جۇگىندى. قازىر قىزمەت بابىن اسىرا پايدالانعان ەكى پوليتسيا قىزمەتكەرىنە قاتىستى ق ر قىلمىستىق كودەكسىنىڭ 361-بابىمەن قىلمىستىق ءىس قوزعالدى»، - دەپ حابارلادى قالالىق پروكۋراتۋرادان.
ەسكە سالا كەتەلىك، بۇعان دەيىن اتىراۋ وبلىسىندا شەتەلدىكتەردى ەلگە زاڭسىز كىرگىزگەندەر تەرگەلىپ جاتقانىن جازعان ەدىك.