+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

مىسىر ەلى جاڭا استاناسىنىڭ اتاۋىنا بايقاۋ جاريالادى

26 قازان 22:12
:ءبولىسۋ
مىسىر ەلى جاڭا استاناسىنىڭ اتاۋىنا بايقاۋ جاريالادى

نۇر-سۇلتان. قازاقپارات - مىسىر ەلى بيلىگى جىل سوڭىنا دەيىن ءوز رەزيدەنتسيالارىن جاڭا استاناعا كوشىرمەك. ال جاڭا استانا اتاۋى بەلگىسىز. وسىعان بايلانىستى بايقاۋ جاريالاپ، ۇزدىگىن تاڭداپ الماق، - دەپ جازادى Ahram باسىلىمى.

جوبانى جۇزەگە اسىراتىن مەملەكەتتىك ينجەنەرلىك ورگان جاڭا استانانىڭ اتاۋى مەن ۇرانىن، سونداي-اق قالانىڭ يننوۆاتسيالىق لوگوتيپى مەن ۆيزۋالدى سايكەستىگىن تاڭداۋ بويىنشا ۇسىنىستار جىبەرۋگە شاقىردى.

بيلىك جاڭا اتاۋعا قاتىستى ءبىر تالاپ قويىپ وتىر: ۇسىنىلعان تۇجىرىمداما عىلىم، يننوۆاتسيا، تۇراقتى دامۋ جانە زاماناۋي تەحنولوگيالار ارقىلى الەۋمەتتىك پروگرەسس يدەياسىن كورسەتۋى كەرەك.

ازاماتتار جاڭا استانانىڭ اتاۋىن 18- قاراشاعا دەيىن ارنايى سايتتا ۇسىنا الادى. وتىنىمدەردى زيالى قاۋىم، جازۋشىلار مەن ساراپشىلاردان قۇرالعان كوميتەت قارايدى.

جاڭا استانا 5 جىل بۇرىن كايردەن شىعىسقا قاراي 40 شاقىرىم جەردە تۇرعىزىلا باستاعان ەدى. قالانىڭ اۋدانى - 700 شارشى شاقىرىم، 6,5 ميلليون ادامعا ارنالعان. سونداي-اق مينيسترلىكتەر، پارلامەنت، مەملەكەتتىك ورگاندار، تۇرعىن ۇيلەر مەن بارلىق قىزمەتتەر جاڭا استاناعا كوشەدى.

مىسىردىڭ قازىرگى استاناسى كاير الەمدەگى التىنشى ۇلكەن مەگاپوليس. وندا 22 ميلليون ادام تۇرادى. ەل حالقىنىڭ بەستەن ءبىر بولىگىن قۇرايدى جانە كۇن ساناپ تۇرعىندار سانى ارتىپ كەلەدى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات