جانۋارلاردىڭ قاۋىپتى اۋرۋلارىنا قاتىستى قازاقستاندا قانشا وشاق تىركەلگەن؟

نۇر-سۇلتان. قازاقپارات - ق ر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى باۋىرجان ابىزبايەۆ جانۋارلار اراسىندا تارالعان اۋرۋعا قاتىستى ايتىپ بەردى، دەپ حابارلايدى قازاقپارات ءتىلشىسى.

«ەپيزووتيالىق احۋالعا توقتالساق، 2021-جىلدىڭ باسىنان باستاپ رەسپۋبليكا اۋماعىندا 345 قولايسىز پۋنكت تىركەلگەن. ونىڭ ىشىندە 171 ءى - جانۋارلاردىڭ اسا قاۋىپتى ينفەكتسيالىق اۋرۋلارىنىڭ قولايسىز پۋنكتى. 174 ءى برۋتسەللەز بويىنشا قولايسىز پۋنكتەر. ناتيجەسىندە، 174 قولايسىز پۋنكتىڭ 130 ءى ساۋىقتىرىلدى، ال قالعان 44 پۋنكتە ساۋىقتىرۋ ءىس-شارالارى جالعاسۋدا»، - دەدى ب. ابىزبايەۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، اۋرۋلار وشاقتارىندا دەزينفەكتسيالىق جۇمىستار جۇرگىزىلدى. بيىلعى جىلدىڭ 9 ايىندا جۇقتىرعان اۋرۋىنا بايلانىستى جويىلعان 54 مال باسىنا 13 ميلليون تەڭگەدەن استام تولەماقى بەرىلدى.

بۇدان بولەك ول ۆەتەريناريالىق زاڭناما تالاپتارىن ورىنداۋ ماسەلەسىنە توقتالدى.

«2021-جىلدىڭ 9 ايداعى كورسەتكىشى بويىنشا ۆەتەريناريالىق-سانيتاريالىق تالاپتاردى بۇزعانى ءۇشىن تەكسەرۋدىڭ وزگە نىساندارىنىڭ ناتيجەلەرىمەن انىقتالعان بۇزۋشىلىقتاردى جويۋ جونىندە 7 535 نۇسقاما بەرىلدى. نۇسقامالاردىڭ ورىندالۋىن تەكسەرۋ ناتيجەلەرى بويىنشا 110 ميلليون تەڭگەدەن استام سوماعا 3373 اكىمشىلىك ايىپپۇل سالىندى.

بۇدان بۇرىن حابارلانعانداي، باۋىرجان ابىزبايەۆ جانۋارلاردى ۆاكسينالاۋ كورسەتكىشى جايىندا باياندادى.