ەلوردالىقتار كىتاپحاناعا ءجيى بارا ما؟
«نۇر-سۇلتان قالاسىنىڭ مادەنيەت باسقارماسىنا قاراستى ورتالىقتاندىرىلعان كىتاپحانا جۇيەسىندەگى 18 كىتاپحانا قالا تۇرعىندارىنا قىزمەت كورسەتەدى. ولاردىڭ شتاتتىق كەستەسى 126 بىرلىكتى قۇرايدى. 2021-جىلدىڭ 1- قازانىنداعى مالىمەتتەرگە سايكەس، ەلوردا كىتاپحانالارىنىڭ كىتاپ قورى 736118 دانا كىتاپتى قۇرايدى. وقىرمان سانى - 70857 ادام. بەرىلگەن كىتاپ سانى - 1072726. اتالعان كەزەڭدە كىتاپحانالارعا 423970 ادام كەلدى»، - دەدى ول نۇر-سۇلتان قالالىق ءماسليحاتىنىڭ تۇراقتى كوميسسياسى وتىرىسىندا.
ونىڭ دەرەگىنشە، اتالعان كىتاپحانالاردىڭ 2021-جىلعا ارنالعان بيۋجەتى 258 ميلليون تەڭگەنى قۇرايدى.
«بۇگىندە «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن، «زامانداس-21» قوعامدىق بىرلەستىگىمەن ءوزارا ءىس-قيمىل جانە ىنتىماقتاستىقتى جولعا قويۋدىڭ ارقاسىندا ەكى كىتاپحانادا قالامىزدىڭ جاستارىنا ارنالعان كوۆوركينگ ورتالىقتار اشىلدى»، - دەدى سانات شاپاشوۆ.