ەردوعان ەلشىلەرگە قاتىستى ويىنان اينىپ قالدى
وسىعان دەيىن ا ق ش، گەرمانيا، فرانسيا، كانادا، فينليانديا، نورۆەگيا، شۆەسيا، دانيا، جاڭا زەلانديا مەن نيدەرلاندى ديپلوماتتارى تۇركيا مەملەكەتىنىڭ ىشكى ساياساتىنا ارالاستى دەپ ايىپتالعان ەدى.
وعان سەبەپ اتالمىش ەلشىلەر مەملەكەتتىك توڭكەرىس جاساۋعا تالپىنىس جاسادى دەپ كۇدىككە ىلىنگەن تۇرىك بيزنەسمەنى، قۇقىق قورعاۋشى وسمان كاۆالانى بوساتۋدى تالاپ ەتكەن ەدى. ەردوعان بولسا دەمارشقا ءۇن قوسقان وسى 10 مەملەكەت ەلشىلەرىن ەلدەن شىعارۋعا بەكىندى. الايدا جۋىردا پرەزيدەنتتىڭ اشۋىنا ىلىككەن ەلشىلەر جاڭا مالىمدەمە جاساپ، بۇدان بىلاي رەسمي انكارانىڭ ىسىنە ارالاسپايتىنىنا ۋادە بەردى. وسىدان كەيىن رەدجەپ تاييپ ەردوعان رايىنان قايتتى.
رەدجەپ تاييپ ەردوعان، تۇركيا پرەزيدەنتى:
- بۇل ەلشىلەر ۆەنا كونۆەنسياسىنىڭ تالاپتارىنا باعىنىپ، وزگە ەلدىڭ ىشكى ىستەرىنە ارالاسپاۋى ءتيىس. بۇدان بىلاي تۇركيانىڭ ەگەمەندىك قۇقىعىنا نۇقسان كەلتىرمەي، ءوز مالىمدەمەلەرىندە وتە اباي بولۋ كەرەك. ەلىمىز بەن تاۋەلسىزدىگىمىزگە سىيلاستىق تانىتپاعاندار تۇركيا جەرىندە قالمايدى.
www.24.kz