مەملەكەت باسشىسى قاسىم- جومارت توقايەۆ اكادەميك سەرىك قيرابايەۆتىڭ وتباسىنا كوڭىل ايتتى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ اكادەميك سەرىك قيرابايەۆتىڭ وتباسىنا كوڭىل ايتتى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.

مەملەكەت باسشىسى قاسىم- جومارت توقايەۆ اسا كورنەكتى عالىم، فيلولوگيا عىلىمدارىنىڭ دوكتورى، ق ر ۇلتتىق عىلىم اكادەمياسىنىڭ اكادەميگى سەرىك سمايىل ۇلى قيرابايەۆتىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى «سەرىك سمايىل ۇلى ونەگەلى عۇمىر كەشىپ، بار كۇش- جىگەرىن وتاندىق عىلىمدى دامىتۋعا ارنادى. قازاق ادەبيەتىن تەرەڭ زەرتتەپ، ۇلتتىق قازىنامىزدى جارقىراتىپ كورسەتۋگە سىڭىرگەن ەڭبەگى وتە مول. كوپتەگەن ەڭبەكتەردىڭ، مونوگرافيالاردىڭ جانە وقۋلىقتاردىڭ اۆتورى اتاندى. بىلىكتى ماماندار دايارلاۋ ىسىنە دە وراسان زور ۇلەسىن قوسقان ەدى. سوڭىنا وشپەس ءىز، عىلىمي مول مۇرا قالدىرعان ۇلاعاتتى ۇستاز سەرىك سمايىل ۇلىنىڭ جارقىن بەينەسى ۇمىتىلمايدى. حالقىمىز ەسىمىن ءاردايىم ارداق تۇتادى. مارقۇمنىڭ جانى ءجانناتتا، يمانى سالامات بولسىن»، - دەلىنگەن قازاقستان پرەزيدەنتىنىڭ جەدەلحاتىندا.

ەسكە سالا كەتسەك، بۇعان دەيىن كورنەكتى ادەبيەتتانۋشى عالىم، سىنشى، اكادەميك سەرىك قيرابايەۆتىڭ دۇنيەدەن وزعانى حابارلاندى.


سوڭعى جاڭالىقتار