+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

شونجى اۋدانىنداعى ەڭ كەرەمەت ىستىق بۇلاقتار تۋرالى بىلەسىز بە؟

26 قازان 12:12
:ءبولىسۋ
شونجى اۋدانىنداعى ەڭ كەرەمەت ىستىق بۇلاقتار تۋرالى بىلەسىز بە؟

نۇر-سۇلتان. قازاقپارات - الماتى وبلىسىنىڭ شونجى اۋدانىنداعى قۇرامى بويىنشا ت م د- داعى كوپتەگەن ايگىلى تەرمالدى سۋلاردان كەم تۇسپەيتىن ىستىق بۇلاقتار ەمدىك قاسيەتىمەن كەلۋشىلەردى باۋراپ الادى.

Kaz.tengritravel.kz پورتالى Aviata.kz سەرۆيسىمەن وسى ىستىق بۇلاقتار جايىندا تولىعىراق باياندايدى.

شونجىنىڭ ىستىق بۇلاقتارى قازاقستان عانا ەمەس، شەتەل تۋريستەرىن دە تارتادى. سەبەبى ىڭعايلى ورنالاسۋى، تۋريستىك ورتالىقتاردىڭ كوپ بولۋى مەن قولجەتىمدى باعاسىنا ساي ينفراقۇرىلىمىنا بايلانىستى بولۋى مۇمكىن. رەسەيلىك Tourister. ru پورتالى جەرگىلىكتى ۇڭعىمالاردى جايىق، باتىس ءسىبىر مەن كراسنودار ولكەسىنىڭ ىستىق بۇلاقتارىنا تەڭ سانايدى. كتك تەلەارناسىنىڭ حابارلاۋىنشا، شونجى ىستىق بۇلاقتارى WE project مەن The Village Kazakhstan ۇسىناتىن دەمالىس ورىندارىنىڭ قاتارىنا جاتاتىنىن، قازاقستانداعى قىسقى دەمالىستىڭ رەيتينگىندە العاشقى بەستىككە كىرەتىنىن مالىمدەسە، 24.kz تەلەارناسى تۋريستەر اراسىندا بۇل جەرلەرگە دەگەن قىزىعۋشىلىقتىڭ ارتقانىن حابارلادى.


بۇل جەرلەردە «ماركو پولو» مەن «قازاق حاندىعى» تاريحي سەريالدارىنىڭ ءتۇسىرىلىمى وتكەن.

شيپالى ىستىق سۋمەن دەنساۋلىعىڭىزدى جاقسارتىپ، دەمالاسىز، بويىڭىزعا كۇش- قۋات جينايسىز. شيپالى بۇلاقتاردىڭ سۋىنا ءجيى شومىلاتىن بالالار اۋىرمايدى، ءارى كوڭىلدى، جايدارى بولىپ جۇرەدى.


سۋدىڭ ەمدىك قاسيەتىن سەزىنۋ ءۇشىن جان- جاقتان تۋريستەر اعىلىپ جاتادى. شونجى اۋىلى اۋماعىندا شامامەن 140 ىستىق بۇلاق بار. عالىمدار بىرنەشە ميلليون جىل بۇرىن الماتى ماڭىندا ۇلكەن جانارتاۋ بولعانىن راستادى. ونىڭ كراتەرىنىڭ كولەمى 9-دان 16 كيلومەترگە (ءارتۇرلى دەرەك بويىنشا) دەيىن بولعان ەكەن.

جانارتاۋ اتقىلاۋىنىڭ ىزدەرىن شونجىعا باراتىن جولدان بايقاۋعا بولادى - بوگەتى ماسسيۆى جانارتاۋ اتقىلاۋىنان پايدا بولعان. وتتى جانارتاۋ 200 ميلليون جىل بۇرىن سونگەن، ءبىراق ماگمالىق ارنالار تولىعىمەن جابىلعان جوق. ولار سۋدى قىزدىرادى، ول ۇلكەن قىسىممەن جوعارىعا اتقىلايدى. ءبىر قىزىعى، جەرگىلىكتى تۇرعىندار ۇيلەرىن ىستىق بۇلاق سۋىمەن جىلىتادى ەكەن.


تەرمالدى مينەرالدى بۇلاقتار، شونجى ىستىق كوزدەرى سياقتى، جىلى (تەمپەراتۋراسى 20-37 گرادۋس)، ىستىق (37-50 گرادۋس) جانە وتە ىستىق (50-100 گرادۋس) بولىپ بولىنەدى. ماۋسىم كۇزدىڭ سۋىق مەزگىلىنەن باستالىپ، مامىر ايىنىڭ ورتاسىندا اياقتالادى.

كەلۋشىلەر توپپەن نەمەسە وتباسىمەن كەلەدى. دەمالىس ورتالىقتارىندا ءارتۇرلى تەمپەراتۋراداعى بىرنەشە باسسەين بار. سۋدىڭ قۇرامى دا ءارتۇرلى: رادون كوزدەرى، كۇكىرتسۋتەك، يود- بروم جانە ت. ب.


ىستىق بۇلاقتا شومىلۋ. پايداسى مەن كەرى اسەرى

ەگەر دەنساۋلىعىڭىز بەن كوڭىل كۇيىڭىزدى جاقسارتقىڭىز كەلسە، ىستىق بۇلاقتارعا كەلىڭىز.

سۋدىڭ قۇرامىندا مىناداي حيميالىق ەلەمەنتتەر بار:

- كرەمنيي قىشقىلى بەلگىلەنگەن مولشەردە تىنىشتاندىراتىن، قابىنۋعا قارسى، اۋىرۋدى باسىپ، دەنەدەگى توكسيندەردى شىعارادى؛

- بۇلاقتاعى كالتسيي تۇزدارى قابىنۋعا قارسى اسەرگە يە، نەسەپ شىعارۋدى ارتتىرىپ، سۇيەك ءتىنىنىڭ وسۋىنە اسەر ەتەدى جانە اعزانىڭ ينفەكتسيالارعا توزىمدىلىگىن ارتتىرادى؛

- ناتريي مەن حلور اعزاداعى سۋ- تۇز الماسۋىن قالپىنا كەلتىرەدى؛

- ىستىق بۇلاقتاردىڭ ءسىلتىلى سۋى اعزاعا پايدالى اسەر ەتەدى جانە قانت ديابەتى، ينفەكتسيالىق اۋرۋلاردى وتكىزۋدى جەڭىلدەتەدى؛

- پايدالى مينەرالدار جوعارى تىنىس جولدارىن ەمدەۋگە كومەكتەسەدى؛

- سۋدىڭ سىلتىلىگىنىڭ جوعارى بولۋى وتتە قىشقىل جينالۋىنىڭ الدىن الادى، اس قورىتۋ جۇيەسىنەن شىرىشتى سۇيىلتىپ شىعارۋعا كومەكتەسەدى.

سونداي- اق، ىستىق بۇلاقتاردىڭ ەمدىك سۋى تەرى اۋرۋلارىن ەمدەۋگە كومەكتەسەدى، جارالاردى ەمدەيتىن اسەرگە يە جانە اسقازان- ىشەك جولدارىنىڭ كەيبىر اۋرۋلارىنىڭ ءوتۋىن جەڭىلدەتەدى.

مينەرالدى بۇلاقتاردىڭ سۋىن ىشۋگە دە بولادى. ول ارنايى تازارتۋ رەزەرۆۋارىنان بولەك جينالادى، مۇنداي سۋدى گاستريت، كوليت، باۋىر مەن ءوت جولدارىنىڭ پاتولوگيالارى، تسيستيت، قانت ديابەتى، اعزاداعى مينەرالدى الماسۋدىڭ بۇزىلۋى كەزىندە ءىشۋ ۇسىنىلادى.

ءبىراق دەمالىسقا شىقپاس بۇرىن دارىگەرمەن كەڭەسىڭىز، سەبەبى ىستىق بۇلاقتاردا شومىلىپ، ونىڭ سۋىن ءىشۋ بارلىعىنا بىردەي بولا بەرمەيدى.

شونجىدا دەمالىس ورىندارى وتە كوپ، ولار تۋرالى تومەندە باياندالادى.

«دەريەۆۋشكا» دەمالىس ورتالىعى

قۇنى: ءبىر ادامعا تاۋلىگىنە 5500 تەڭگەدەن.

قالاي جەتۋگە بولادى: ايماق شونجى- كولجات تاس جولىنىڭ بويىندا، 97-شاقىرىمدا ورنالاسقان.

دەمالۋشىلارعا 2, 3, 4 ورىندى بولمەلەرى بار ءبىر قاباتتى كوتتەدجدەردە قونىستانۋ ۇسىنىلادى. اۋماقتا ءۇش باسسەين بار (ولاردىڭ ءبىرى اۋا رايىنىڭ قولايسىزدىعىنا بايلانىستى جابىلادى جانە ءارتۇرلى تەرەڭدىكتەگى ەكى ۇلكەن اشىق باسسەين (بالالار ءۇشىن 110-150 سانتيمەتر، ەرەسەكتەر ءۇشىن 160-180 سانتيمەتر) . باسسەيندەر جەراستى تابيعي ىستىق كوزدەرىنەن ىستىق مينەرالدى سۋمەن تولتىرىلعان (وندا رادون جوق).

Relax قوناق ءۇي كەشەنى

باعاسى: ءبىر ادامعا تاۋلىگىنە 8000 تەڭگەدەن.

قالاي جەتۋگە بولادى: شونجى- كولجات تاس جولىنىڭ 105-شاقىرىمى.

كۇزەتىلەتىن اۆتوتۇراعى بار جابىق الاڭ، سۋ تەمپەراتۋراسى 39 گرادۋس بولاتىن ۇلكەن اشىق باسسەينى بار. كوتتەدجدەر مەن ەكى جانە ءۇش بولمەلى ورىندار ۇسىنىلادى.

AlRais دەمالىس ورتالىعى

قۇنى: ءبىر ادامعا تاۋلىگىنە 6000 تەڭگەدەن.

قالاي جەتۋگە بولادى: شونجى- كولجات تاس جولىنىڭ 101-شاقىرىمى، جولدىڭ سول جاعىندا 200 مەتر قاشىقتىقتا 4 قاباتتى عيمارات بار.

قوناقتاردى جەكە بولمەلەرگە ورنالاستىرۋ قاراستىرىلعان، اۆتوتۇراعى بار، جىلى سۋى بار باسسەيندەر ورنالاسقان.

«تۇمار» دەمالىس ورتالىعى

قۇنى: ءبىر ادامعا تاۋلىگىنە 4000 تەڭگەدەن.

قالاي جەتۋگە بولادى: شونجى- كولجات تاس جولىنىڭ 55-شاقىرىمى.

تۋريستەر جايلى بولمەلەرگە ورنالاسىپ، تەرمالدى رادونى بار باسسەيندەردە شومىلا الادى.

«التىن سۋ» دەمالىس ايماعى

قۇنى: ءبىر ادامعا تاۋلىگىنە 5000 تەڭگەدەن.

قالاي جەتۋگە بولادى: شونجى- كولجات تاس جولىنىڭ 53-شاقىرىمى.

تۋريستەر تەرمالدى يودتالعان سۋى بار باسسەيندەردە شومىلا الادى، بۇل تىرەك- قيمىل اپپاراتىن، ايەلدەر اۋرۋلارىن ەمدەۋگە ىقپال ەتەدى.

Radian دەمالىس ورتالىعى

باعاسى: ءبىر ادامعا تاۋلىگىنە 5000 تەڭگەدەن.

قالاي جەتۋگە بولادى: شونجىدان 53 ك م جەردە، تەلەمۇنارانىڭ سول جاعىنا قاراي 500 مەتر. دەمالىس ورتالىعىنىڭ اۋماعىندا ءۇش باسسەين بار: اشىق (تەرەڭدىگى 160 سانتيمەتر)، جارتىلاي جابىق جانە جابىق، باسسەيندەردىڭ تەمپەراتۋراسى ءارتۇرلى 35-تەن 50 گرادۋسقا دەيىن.

بالالار باسسەينى ۇلكەن باسسەيننىڭ جانىندا ورنالاسقان؛ تۋريستەرگە ەمدىك ۆاننالار مەن ساۋنا ۇسىنىلادى، ولار سەنبى جانە مەرەكە كۇندەرى ساعات 19.00-دەن 23.00-گە دەيىن اشىق بولادى.

«دەلفين» دەمالىس ءۇيى

باعاسى: ءبىر ادامعا تاۋلىگىنە 4000 تەڭگەدەن.

قالاي جەتۋگە بولادى: شونجى- كولجا تاس جولىنىڭ 51-شاقىرىمى.

قوناقتار تەمپەراتۋراسى 56 گرادۋس بولاتىن باسسەيندەردە، اعاشتان جاسالعان ساۋنادا شومىلا الادى. سونىمەن قاتار، ەكونوم جانە ستاندارت جايلى بولمەلەردە ورنالاسا الادى.

«يزۋمرۋد» دەمالىس ورتالىعى

باعاسى: تاۋلىگىنە ءبىر ادامعا 6500 تەڭگەدەن.

قالاي جەتۋگە بولادى: 98-شاقىرىمدا. ايماق «دەريەۆۋشكا» دەمالىس ورتالىعىنىڭ سول جاعىنا قاراي 300-400 مەتر قاشىقتىقتا ورنالاسقان.

اۋماقتا سۋدىڭ تەمپەراتۋراسى +52 گرادۋس بولاتىن جەكە قۇدىق بار. قۇدىق ءۇش باسسەيندى تولتىرادى، ءار بەيسەنبى دەمالىس ايماعىندا تازالىق كۇنى دەپ جاريالانعان.

«قارا دالا» دەمالىس ورتالىعى

باعاسى: تاۋلىگىنە ءبىر ادامعا 8000 تەڭگەدەن.

قالاي جەتۋگە بولادى: وبلىس ورتالىعىنان شونجى قالاسىنان 73 شاقىرىم، باعان - اقساي- شونجى- كولجات تاس جولىنىڭ 106-شاقىرىمى.

دەمالىس ورتالىعىنىڭ اۋماعىندا ءوز قۇدىعىنان ەمدىك سۋى بار باسسەيندەر بار: اشىق باسسەيندە ءتورت باسسەين، ونىڭ ىشىندە بالالار باسسەينى مەن دجاكۋزي باسسەينى جانە ەكى جابىق باسسەين (بالالار مەن ەرەسەكتەرگە ارنالعان). باسسەيندەردەگى سۋدىڭ تەمپەراتۋراسى 37-39 گرادۋس ارالىعىندا. سۋدىڭ قۇرامى سارى- اعاش كۋرورتىنىڭ مينەرالدى سۋىنا ۇقساس. اشىق باسسەيندەر 21 مەتردەن 11 مەترگە دەيىن بارادى.

«راقىمجان» دەمالىس ورتالىعى

باعاسى: ءبىر ادامعا تاۋلىگىنە 5000 تەڭگەدەن.

قالاي جەتۋگە بولادى: شونجى- كولجات تاس جولىنىڭ 55-شاقىرىمى.

قوناقتار جايلى بولمەلەردە دەمالىپ، دەمالىس ورتالىعىنىڭ اۋماعىندا ىستىق مينەرالدى سۋى بار باسسەيندەردە شومىلا الادى.

قازاقستاننىڭ باسقا قالالارىنان شونجىعا قالاي جەتۋگە بولادى.

ەگەر ءسىز شونجى سۋ كوزدەرىندە دەمالۋدى جوسپارلاساڭىز، الدىمەن الماتىعا ۇشاقپەن نەمەسە پويىزبەن كەلگەن ءجون، سودان كەيىن ءسىز كۇندەلىكتى جۇرەتىن اۆتوبۋسقا وتىرىپ جەتە الاسىز. وسى باعىت بويىنشا بيلەتتەردى قالانىڭ كەز كەلگەن تۋراگەنتتىگىندە الدىن الا برونداۋعا بولادى نەمەسە ساپاردى ءوز بەتىڭىزشە ۇيىمداستىرۋعا بولادى.

قازاقستاننىڭ باسقا قالالارىنان كەلگەن ساياحاتشىلار الماتىعا قاراعاندى، قىزىلوردا، نۇر-سۇلتان، پاۆلودار، سەمەي، شىمكەنت، تاراز، ورال جانە ەلىمىزدىڭ باسقا وبلىستارىنان تىكەلەي رەيستەرمەن جەتە الادى.

ساياحاتتاۋ - ول دا ءبىر جاۋاپكەرشىلىك ەكەنىن اۆياتا ەسكە سالادى. كەيىنگى ۇرپاقتىڭ سالاۋاتتى ءومىرى ءۇشىن جانە قايتار جولىمىزدىڭ تازالىعى ءۇشىن تابيعاتتى بارىنشا ايالايىق.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات