+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

كارىم ءماسىموۆ: ۇلتتىق قاۋىپسىزدىك قىزمەتكەرلەرى تۋرالى كىتاپ شىعادى

26 قازان 10:46
:ءبولىسۋ
كارىم ءماسىموۆ: ۇلتتىق قاۋىپسىزدىك قىزمەتكەرلەرى تۋرالى كىتاپ شىعادى

نۇر- سۇلتان. قازاقپارات – ق ر ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆتىڭ جالپى رەداكسياسىمەن «وتاندىق ارناۋلى قىزمەتتىڭ حرونيكالارى. ادامدار، وقيعالار، فاكتىلەر تۋرالى حيكايالار»، «مەملەكەتتىك شەكارا» كىتاپتارى باسىلىمعا دايىندالدى.

بۇل تۋرالى قازاقپارات كوميتەتتىڭ باسپا ءسوز قىزمەتىنە سىلتەمە جاساپ حابارلايدى. كىتاپتار ۇلتتىق قاۋىپسىزدىكتى قامتاماسىز ەتۋ جانە مەملەكەتىمىزدىڭ شەپتەرىن قورعاۋ ىسىنە لايىقتى ۇلەس قوسقان جەدەل قىزمەتكەرلەر مەن شەكاراشىلاردىڭ قىزمەتى تۋرالى باياندايدى. باسىلىمدارعا قازىرگى ۋاقىتتا قۇپياسىزداندىرۋعا بولاتىن جايتتار عانا ەنگىزىلدى. ونىڭ نەگىزىندە - ناقتى ادامدار، وقيعالار مەن فاكتىلەر، ولار وعان تىكەلەي قاتىسۋشىلاردىڭ ەموتسياسىن جەتكىزەتىن قاتاڭ دەرەكتى ستيلدە مازمۇندالعان.


«قۇرمەتتى وقىرماندار! تاۋەلسىزدىكتىڭ 30 جىلدىعى قارساڭىندا ۇلتتىق قاۋىپسىزدىك كوميتەتىنىڭ باسشىلارىمەن بىرگە ەلىمىزدىڭ بارلىق ايماقتارىن جانە مەملەكەتتىك شەكارانى ارالادىق. جۇمىس ساپارى اياسىندا جەدەل قىزمەتكەر مەن شەكاراشىنىڭ ەرەن ەڭبەگى تۋرالى حالىقتىڭ از بىلەتىنىن بايقادىم. سوندىقتان، بورىشىن ءمىنسىز ورىنداپ جۇرگەن جاندار تۋرالى ايتاتىن ۋاقىت كەلدى دەپ ويلادىم. نەگىزىن ەلباسى نۇرسۇلتان نازاربايەۆ قالاعان، نىعايتۋ باعىتىن پرەزيدەنتىمىز قاسىم- جومارت توقايەۆ جالعاستىرىپ كەلە جاتقان مەملەكەت ەگەمەندىگىنە ولاردىڭ قوسقان ۇلەسىن ايتقىمىز كەلدى. ازاماتتاردىڭ بەيبىت ءومىرى ءۇشىن ءبىزدىڭ قىزمەتكەرلەر كۇنى- ءتۇنى، ىستىق- سۋىققا قاراماي قىزمەت اتقارادى. ولار - ءبىزدىڭ باتىرلارىمىز! بۇل كىتاپ سولار تۋرالى جازىلعان. ونىڭ نەگىزىندە ناقتى ادامدار، قۇپياسى اشىلعان وقيعالار مەن دەرەكتەر بار. كىتاپ ءوز وقىرمانىن تابادى دەپ سەنەمىن»، دەيدى كارىم ءماسىموۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات