اسقار مامين مەملەكەتتىك شەكارادا ەپيدەميولوگيالىق باقىلاۋدى كۇشەيتۋدى تاپسىردى

None
None
نۇر- سۇلتان. قازاقپارات - شەكارالاس وڭىرلەردىڭ اكىمدەرى سانيتارلىق- ەپيدەميولوگيالىق نورمالاردىڭ قاتاڭ ساقتالۋىن قامتاماسىز ەتۋى ءتيىس.

بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«جالپى ەپيدەميولوگيالىق احۋال باقىلاۋدا. دەگەنمەن كورشى ەلدەردە جاعدايدىڭ قيىنداعانىن كورىپ وتىرمىز. سوندىقتان وڭىرلەردىڭ، اسىرەسە شەكارالاس وڭىرلەردىڭ اكىمدەرى سانيتارلىق- ەپيدەميولوگيالىق نورمالاردىڭ قاتاڭ ساقتالۋىن قامتاماسىز ەتسىن، ناۋقاستانۋ دەڭگەيىنە ناقتى مونيتورينگ جۇرگىزۋ جانە جەدەل شارالار قابىلداپ وتىرۋ قاجەت»، - دەدى اسقار مامين.

سونىمەن قاتار ۇكىمەت باسشىسى مونيتورينگتىك توپتاردىڭ جۇمىسىن جانداندىرۋ قاجەتتىگىن باسا ايتتى.

«دەنساۋلىق ساقتاۋ مينيسترلىگى مەملەكەتتىك شەكارادا ەپيدەميولوگيالىق باقىلاۋدى كۇشەيتسىن»، - دەدى پرەمەر- مينيستر.

سوڭعى جاڭالىقتار