كوروناۆيرۋس: دانيا بارلىق شەكتەۋلەردى الىپ تاستادى
بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى، دەپ حابارلايدى قازاقپارات.
دانيا ەۋروپالىق وداق ەلدەرى اراسىندا كوروناۆيرۋسقا قارسى ۆاكتسيناتسيانىڭ جوعارى دەڭگەيىن كورسەتۋدە. وسىلايشا ەل پاندەميا رەجيمىنەن شىعىپ، شەكتەۋلەردى الىپ تاستاۋدا. بۇدان بىلاي ەل بيلىگى COVID-19 ۆيرۋسىن رەسمي تۇردە «قاۋىپتى اۋرۋ» دەپ سانامايدى دەپ مالىمدەدى.
دۇكەندەر روجدەستۆو مەرەكەسىنە بەتپەردەسىز جانە الەۋمەتتىك قاشىقتىقسىز دايىندالۋدا. ءدامحانالار مەن مەيرامحانالارعا بارۋ ءۇشىن QR- كودتار مەن ۆاكسيناتسيا سەرتيفيكاتى قاجەت ەمەس. ەلدە 12 جاستان اسقان حالىقتىڭ %85 استامى تولىق ەگىلدى. 60 جاس توبىنداعى بارلىق دەرلىك تۇرعىن ۆاكتسينا الدى.
ايتا كەتۋ كەرەك، ۆاكسيناتسيا بويىنشا مۇنداي جوعارى كورسەتكىش نورۆەگيا مەن شۆەتسيادا دا بار. يزرايل ۇكىمەتى 5-11 جاس ارالىعىنداعى بالالاردى كوروناۆيرۋسقا قارسى ەگۋگە دايىندىق ءجۇرىپ جاتقانىن حابارلادى. دەنساۋلىق ساقتاۋ مينيسترلىگىندە ءتۇسىندىرۋ ناۋقانى بويىنشا دايىندىق جۇرۋدە. تۇپكىلىكتى شەشىم ا ق ش- تىڭ، اتاپ ايتقاندا FDA ساراپتاما كوميسسياسىنىڭ 5 جاستان باستاپ 28 ميلليون امەريكالىق بالانى يممۋنداۋ ءۇشىن Pfizer ۆاكتسيناسىن قولدانۋعا شۇعىل ليسەنزيا بەرۋ تۋرالى شەشىم قابىلداۋىنا قاتىستى بولماق.
ەگەر ۆاكسيناتسيا ا ق ش- تا ماقۇلدانسا، يزرايل دەنساۋلىق ساقتاۋ مينيسترلىگى دە بۇل ماسەلەگە رۇقسات بەرەتىن بولادى.