قازاقستان پرەزيدەنتى تۇرىكمەنستاننىڭ تاۋەلسىزدىك مونۋمەنتىنە گۇل شوعىن قويدى

اشحاباد. قازاقپارات - قازاقستان پرەزيدەنتى قاسىم-جومارت توقايەۆ تۇرىكمەنستاننىڭ تاۋەلسىزدىك مونۋمەنتىنە گۇل شوعىن قويدى، دەپ حابارلايدى اقوردا.

قاسىم-جومارت توقايەۆ اشحابادقا مەملەكەتتىك ساپارىنىڭ سوڭىندا تۇرىكمەنستاننىڭ تاۋەلسىزدىك مونۋمەنتىنە گۇل شوعىن قويدى.

تاۋەلسىزدىك مونۋمەنتى تۇرىكمەننىڭ ءداستۇرلى كيىز ءۇيى بەينەسىندە سالىنعان. مونۋمەنتتىڭ اينالاسىندا تۇرىكمەنستان بيلەۋشىلەرى مەن اسكەري جەتەكشىلەرىنىڭ، ويشىلدارى مەن ونەر قايراتكەرلەرىنىڭ مۇسىندەرى قويىلعان.

قازاقستان پرەزيدەنتى ءداستۇر بويىنشا تۇرىكمەنستاننىڭ جۇرگىزىپ وتىرعان بەيبىتشىلىك، دوستىق جانە تاتۋ كورشىلىك ساياساتىن بىلدىرەتىن قۇرمەتتى قوناقتار اللەياسىنا تال ەكتى.