قاسىم-جومارت توقايەۆ تۇرىكمەنستانداعى بىرنەشە مادەني كەشەنگە باردى

اشحاباد. قازاقپارات - مەملەكەت باسشىسى قاسىم-جومارت توقايەۆ تۇرىكمەنستانعا مەملەكەتتىك ساپارى اياسىندا «ەل ەسىندە» مەموريالدى كەشەنىنە جانە «قاسيەتتى وتان» مۋزەيىنە باردى، دەپ حابارلايدى اقوردا.

قازاقستان پرەزيدەنتى تۇرىكمەنستانعا مەملەكەتتىك ساپارى اياسىندا 1881-جىلعى شايقاستى، 1941-1945-جىلدارداعى ۇلى وتان سوعىسىندا قازا تاپقانداردى جانە 1948-جىلعى اشحاباد جەر سىلكىنىسىنىڭ قۇرباندارىن ەسكە الۋعا ارنالعان تاريحي كەشەنگە باردى.

كەشەندە اتالعان وقيعالاردا قازا تاپقاندار مەن باتىرلارعا قويىلعان ەسكەرتكىشتەر، مونۋمەنتتەر بار.

«قاسيەتتى وتان» مۋزەيىندە مەملەكەت باسشىسىنا ۇلى وتان سوعىسىنداعى اسكەري وقيعالاردىڭ ماكەتتەرى مەن جەر سىلكىنىسىنىڭ ەكسپوناتتارى تانىستىرىلدى.

قاسىم-جومارت توقايەۆ قۇرمەتتى قوناقتار كىتابىنا قولتاڭباسىن قالدىردى.