+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ەلوردادا جولاۋشىلار اۆتوبۋسى ورتەندى

25 قازان 21:45
:ءبولىسۋ
ەلوردادا جولاۋشىلار اۆتوبۋسى ورتەندى

نۇر-سۇلتان. قازاقپارات - نۇر-سۇلتان قالاسىندا جولاۋشىلار اۆتوبۋسىنان ءورت شىقتى، دەپ حابارلايدى قازاقپارات توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

«بۇگىن ساعات 18:44 تە بايقوڭىر اۋدانى كراۆتسوۆ كوشەسى 9A مەكەنجايىنداعى «سەليننىي» مولتەكاۋدانى ايالداماسىندا اۆتوبۋس ورتەندى. «يۆەكو» ماركالى 28№ قالالىق مارشرۋتتىڭ قوزعالتقىشىنان ءورت شىققان. جولاۋشىلار دەرەۋ اۆتوبۋستان ءتۇسىرىلىپ، ءورت ءسوندىرىلدى. زارداپ شەككەندەر جوق»، - دەلىنگەن حابارلامادا.

ءتىلسىز جاۋدى سوندىرۋگە ت ج د- ءنىڭ 7 قىزمەتكەرى جانە 1 تەحنيكا جۇمىلدىرىلعان. CTS كومپانياسىنىڭ باسپا ءسوز قىزمەتى وقيعا ورنىندا ت ج قىزمەتكەرى تەكسەرۋ حاتتاماسىن جاساپ، جۇرگىزۋشدەن تۇسىنىكتەمە العاندىعىن حابارلادى.

ءىس ماتەريالدارى ءورت-تەحنيكالىق زەرتحانانىڭ ساراپتاما بولىمىنە جىبەرىلەدى، سودان كەيىن ءىس جۇرگىزۋ شەشىمىن قابىلداۋ ءۇشىن پوليتسيا باسقارماسىنا جىبەرىلەدى.

اتالعان مارشرۋتتىق كولىك بۇگىن تاڭەرتەڭ رەيس الدىنداعى تەحنيكالىق بايقاۋدان ءوتتى.

سوڭعى تەحنيكالىق بايقاۋ 27- مامىردا وتكىزىلگەن.

ايتا كەتەيىك، بارلىق اۆتوبۋستار ءار 6 اي سايىن جالپى تەحنيكالىق تەكسەرۋدەن وتەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات