+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ەكولوگيا ءمينيسترى قالدىقتاردى بولەك جيناۋ ماسەلەسى تۋرالى ايتتى

25 قازان 20:44
:ءبولىسۋ
ەكولوگيا ءمينيسترى قالدىقتاردى بولەك جيناۋ ماسەلەسى تۋرالى ايتتى

نۇر-سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ قالدىقتاردى وڭدەۋ جۇمىستارى تۋرالى ايتىپ بەردى، دەپ حابارلايدى قازاقپارات ءتىلشىسى.

«تاعى ءبىر باستى ماسەلە - قالدىقتاردىڭ شامادان تىس جينالۋى ەكەنىن بىرنەشە رەت ايتتىق. وسىعان بايلانىستى قالدىقتاردى تۇراقتى باسقارۋ بويىنشا «Waste-to-Energy» تەحنولوگياسى بويىنشا ەنەرگيا الۋ مەن قالدىقتاردى ەنەرگەتيكالىق كادەگە جاراتۋ جونىندەگى نىساندار سالۋ سياقتى ءىس-شارالار ەسەبىنەن قاتتى تۇرمىستىق قالدىقتاردىڭ ۇلەسىن جانە كادەگە جاراتۋدى %18 دان %34 عا دەيىن ۇلعايتۋ كوزدەلىپ وتىر»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ودان بولەك، قۇرامىندا سىنابى بار قالدىقتاردى بولەك جيناۋ ءۇشىن 8 مىڭنان استام كونتەينەر مەن ءدارىحانالاردا مەديتسينالىق قالدىقتارعا ارنالعان ەكوبوكستار ورناتۋ جوسپارلانۋدا.

«تۇيىق تسيكلدى ەكونوميكانى دامىتۋ شەڭبەرىندە قۇرىلىس جانە ءىرى گاباريتتى قالدىقتاردى جيناۋعا ارنالعان الاڭدار قۇرۋ بولجانىپ وتىر»، - دەدى س. برەكەشيەۆ.

بۇعان دەيىن سەرىكقالي برەكەشيەۆ «جاسىل قازاقستان» ۇلتتىق جوباسى تۋرالى ايتىپ بەرگەن ەدى. ۇلتتىق جوبانى ىسكە اسىرۋدىڭ ارقاسىندا 60 مىڭعا جۋىق جۇمىس ورنى اشىلادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات