+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قاسىم- جومارت توقايەۆ پەن گۋربانگۋلى بەردىمۇحامەدوۆ كەڭەيتىلگەن فورماتتا ەكىجاقتى كەلىسسوز جۇرگىزدى

25 قازان 17:27
:ءبولىسۋ

اشحاباد. قازاقپارات - قازاقستان پرەزيدەنتى قاسىم- جومارت توقايەۆ پەن تۇرىكمەنستان باسشىسى گۋربانگۋلى بەردىمۇحامەدوۆ كەڭەيتىلگەن فورماتتا ەكىجاقتى كەلىسسوز جۇرگىزدى، دەپ حابارلايدى اقوردا.

ەكى ەل باسشىلارى شاعىن فورماتتا وتكەن كەزدەسۋدەن كەيىن كەلىسسوزدى رەسمي دەلەگاتسيا مۇشەلەرىنىڭ قاتىسۋىمەن ودان ءارى جالعاستىردى. قازاقستان پرەزيدەنتى باۋىرلاس تۇرىكمەنستانعا جاساعان العاشقى مەملەكەتتىك ساپارىنا زور ءمان بەرەتىنىن ايتتى.


« بۇل وقيعا - ەرەكشە سيپاتقا يە، سونداي- اق قازاقستان مەن تۇرىكمەنستان اراسىنداعى دوستىق، تاتۋ كورشىلىك قاتىناستاردى جانە ءوزارا قولداۋ شارالارىن مۇلدە جاڭا دەڭگەيگە كوتەرۋگە - ورتاق ماقساتقا قول جەتكىزۋگە باعىتتالعان ماڭىزدى قادام»، - دەدى مەملەكەت باسشىسى.

قاسىم- جومارت توقايەۆ ەكى مەملەكەتتىڭ تاۋەلسىزدىگىنىڭ 30 جىلدىعىندا ءوتىپ جاتقان بۇگىنگى كەزدەسۋدىڭ سيمۆولدىق ءمانى بار ەكەنىنە توقتالىپ، قازاقستاندىقتاردىڭ اتىنان تۇرىكمەن حالقىن وسىناۋ مەرەيلى مەرەكەمەن قۇتتىقتادى.

« قازاقستان تۇرىكمەنستاننىڭ بەيبىتسۇيگىش ساياساتىن جانە ءسىزدىڭ ورتالىق ازيا ايماعىندا دا، ەۋرازيالىق كەڭىستىكتە دە كووپەراتسيانى ودان ءارى نىعايتۋعا باعىتتالعان باستامالارىڭىزدى تولىق قولدايدى. تۇرىكمەنستاننىڭ سىرتقى ساياساتى تۇراقتى ىنتىماقتاستىققا نەگىزدەلگەن. ب ۇ ۇ- نىڭ باس اسسامبلەياسى ماقۇلداعان تۇرىكمەنستاننىڭ بەيتاراپ ەل مارتەبەسىن قولدايمىز. تۇرىكمەنستان جۋىردا كاسپي - اۆازا ءىنجۋ- مارجاندارىندا ايماق ەلدەرى باسشىلارىنىڭ كونسۋلتاتيۆتىك كەزدەسۋىن ءساتتى وتكىزدى. كەزدەسۋ وتە تابىستى بولدى جانە ونىڭ ورتالىق ازيانىڭ بارلىق ەلى اراسىنداعى ىقپالداستىققا تىڭ سەرپىن بەرگەنى ءسوزسىز»، - دەدى قازاقستان پرەزيدەنتى.


بۇدان بولەك قاسىم- جومارت توقايەۆ ساۋدا- ەكونوميكالىق ىنتىماقتاستىق قازاق- تۇرىكمەن كوپجاقتى بايلانىستارىنىڭ نەگىزگى وزەگى سانالاتىنىن ەسكە سالدى.

«جاھاندىق پاندەمياعا بايلانىستى ەكىجاقتى تاۋار اينالىمى ءبىرشاما تومەندەگەنىمەن، بيىلعى 8 ايدىڭ قورىتىندىسى بويىنشا ءوزارا ساۋدا- ساتتىقتىڭ ءوسىمى 30 پايىزدان اسقانى بايقالادى. ارينە، بۇل ءبىزدىڭ مۇمكىندىكتەرىمىزدىڭ شەگى ەمەس. سونىمەن قاتار ەنەرگەتيكا، كولىك جانە لوگيستيكا، اۋىل شارۋاشىلىعى، ونەركاسىپ سالالارى بويىنشا وتە مول رەزەرۆىمىز بار»، - دەدى قازاقستان پرەزيدەنتى.


سونىمەن قاتار قاسىم- جومارت توقايەۆ ارىپتەسىنىڭ 2022 -جىلى تۇرىكمەنستاننىڭ قازاقستانداعى مادەني كۇندەرىن وتكىزۋ تۋرالى ۇسىنىسىن قولدادى. مەملەكەت باسشىسى ەلىمىزدە تۇرىكمەن ونەرپازدارىنىڭ ونەرىن تولىق كورسەتۋىنە كەپىلدىك بەرە وتىرىپ، بۇل وقيعانى مادەني- رۋحاني بايلانىستار سالاسىنداعى ماڭىزدى باعىت دەپ اتاپ ءوتتى. مەملەكەت باسشىسى جالپى قۇنى 130 ميلليون دوللاردان اساتىن تاۋاردىڭ 60 ءتۇرى بويىنشا تۇرىكمەنستانعا تاسىمالداناتىن ونىمدەردى ۇلعايتۋعا قازاقستاننىڭ دايىن ەكەنىن جەتكىزدى.

«بۇل مىندەتتى ورىنداي الاتىنىمىزعا سەنىمدىمىن. اتاپ ايتقاندا، ءبىز اۋىل شارۋاشىلىعى ونىمدەرىن، اسىرەسە ۇن مەن بيدايدى نارىقتىق باعا بويىنشا ءوزارا ءتيىمدى تاسىمالداۋ ءىسىن ارتتىرۋدىڭ پەرسپەكتيۆاسى بار ەكەنىن كورىپ وتىرمىز. بۇعان دەيىن قازاقستان تۇرىكمەن تاراپىمەن اراداعى ۋاعدالاستىق بويىنشا قول جەتىمدى باعادا بيداي ەكسپورتىن باستاعان»، - دەدى قاسىم- جومارت توقايەۆ.

قازاقستان پرەزيدەنتى ءسوزىنىڭ سوڭىندا كەزدەسۋ اياسىندا تالقىلانعان بارلىق ماسەلە قازاق- تۇرىكمەن قاتىناستارىنىڭ ەرەكشە سيپاتقا يە، سونداي- اق تاتۋ كورشىلىك جانە ءوزارا ءتيىمدى ىنتىماقتاستىققا بەيىلدىگىمىزدىڭ جارقىن ۇلگىسى ەكەنىن اتاپ ءوتتى. كەلىسسوزدەر قورىتىندىسى بويىنشا تومەندەگى قۇجاتتارعا قول قويىلدى:

- قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ پەن تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ بىرلەسكەن مالىمدەمەسى؛

- قازاقستان رەسپۋبليكاسى مەن تۇرىكمەنستان اراسىندا كاسپيي تەڭىزىندەگى قازاقستان- تۇرىكمەنستان مەملەكەتتىك شەكاراسىن مەجەلەۋ جانە بالىق اۋلاۋ ايماقتارىنىڭ شەكتەس ۋچاسكەلەرىن ءبولۋ تۋرالى شارت؛

- قازاقستان رەسپۋبليكاسىنىڭ ۇكىمەتى مەن تۇرىكمەنستان ۇكىمەتى اراسىنداعى قازاقستان- تۇرىكمەنستان مەملەكەتتىك شەكاراسىنىڭ رەجيمى تۋرالى كەلىسىم؛

- قازاقستان رەسپۋبليكاسىنىڭ ۇكىمەتى مەن تۇرىكمەنستان ۇكىمەتى اراسىنداعى ازاماتتىق قورعانىس، توتەنشە جاعدايلاردىڭ الدىن الۋ جانە ولاردى جويۋ سالاسى بويىنشا ىنتىماقتاستىق تۋرالى كەلىسىم؛

- قازاقستان رەسپۋبليكاسىنىڭ قورعانىس مينيسترلىگى مەن تۇرىكمەنستاننىڭ قورعانىس مينيسترلىگى اراسىنداعى قورعانىس سالاسى بويىنشا ىنتىماقتاستىق تۋرالى كەلىسىم؛

- قازاقستان رەسپۋبليكاسىنىڭ قارجى مينيسترلىگى مەن تۇرىكمەنستاننىڭ مەملەكەتتىك كەدەن قىزمەتى اراسىنداعى قازاقستان رەسپۋبليكاسى مەن تۇرىكمەنستاننىڭ اراسىندا وتكىزىلەتىن تاۋارلار مەن كولىك قۇرالدارى تۋرالى الدىن الا مالىمەت الماسۋدى ۇيىمداستىرۋ تۋرالى كەلىسىم؛

- قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى مەن تۇرىكمەنستاننىڭ تەليەۆيزيا، راديو جانە كينەماتوگرافيا جونىندەگى مەملەكەتتىك كوميتەتى اراسىنداعى اقپارات سالاسى بويىنشا ىنتىماقتاستىق ورناتۋ تۋرالى مەموراندۋم؛

- قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى مەن تۇرىكمەنستاننىڭ اۋىل شارۋاشىلىعى جانە قورشاعان ورتانى قورعاۋ مينيسترلىگى اراسىنداعى قورشاعان ورتانى قورعاۋ سالاسى بويىنشا ىنتىماقتاستىق تۋرالى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى مەن تۇرىكمەنستاننىڭ مينيسترلەر كابينەتىنە قاراستى كولىك جانە كوممۋنيكاتسيالار اگەنتتىگىنىڭ «تۇركمەناۆتوولاگلارى» اگەنتتىگى اراسىنداعى حالىقارالىق اۆتوموبيل تاسىمالدارىن دامىتۋ جونىندەگى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى مەن تۇرىكمەنستان مينيسترلەر كابينەتىنە قاراستى كولىك جانە كوممۋنيكاتسيالار اگەنتتىگى اراسىنداعى جۇكتەردى جانە جولاۋشىلاردى تاسىمالداۋ مەن ولاردىڭ ترانزيتى تۋرالى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى مەن تۇرىكمەنستاننىڭ ەڭبەك جانە حالىقتى الەۋمەتتىك قورعاۋ مينيسترلىگى اراسىنداعى الەۋمەتتىك- ەڭبەك سالاسى بويىنشا ىنتىماقتاستىق ورناتۋ نيەتتەرى تۋرالى مەموراندۋم؛

- قازاقستان رەسپۋبليكاسى اۋىل شارۋاشىلىعى مينيسترلىگى مەن تۇرىكمەنستاننىڭ اۋىل شارۋاشىلىعى جانە قورشاعان ورتانى قورعاۋ مينيسترلىگى اراسىنداعى اۋىل شارۋاشىلىعى سالاسى بويىنشا ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى مەن تۇرىكمەنستان مەملەكەتتىك ستاتيستيكا كوميتەتى اراسىنداعى ىنتىماقتاستىق تۋرالى مەموراندۋم؛

- قازاقستان رەسپۋبليكاسىنىڭ مادەنيەت جانە سپورت مينيسترلىگى مەن تۇرىكمەنستاننىڭ مادەنيەت مينيسترلىگى اراسىنداعى مادەنيەت سالاسىنداعى ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن تۇرىكمەنستاننىڭ ساۋدا جانە سىرتقى ەكونوميكالىق بايلانىستار مينيسترلىگى اراسىنداعى ساۋدا ىنتىماقتاستىعى جونىندەگى ءوزارا تۇسىنىستىك تۋرالى مەموراندۋم؛

- «قازاقستان تەمىر جولى» ۇلتتىق كومپانياسى» اكسيونەرلىك قوعامى مەن تۇرىكمەنستان مينيسترلەر كابينەتىنە قاراستى «Türkmendemirýollary»كولىك جانە كوممۋنيكاتسيا اگەنتتىگى اراسىنداعى تەمىرجول كولىگى سالاسى مەن كونتەينەرلىك تاسىمالداردى دامىتۋ سالاسى بويىنشا ىنتىماقتاستىقتىڭ نەگىزگى قاعيداتتارى تۋرالى مەموراندۋم؛

- قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسى مەن تۇرىكمەنستان پرەزيدەنتى جانىنداعى مەملەكەتتىك قىزمەت اكادەمياسى اراسىنداعى ىنتىماقتاستىق تۋرالى مەموراندۋم؛

- «ءال- فارابي اتىنداعى قازاق ۇلتتىق ۋنيۆەرسيتەتى» كوممەرتسيالىق ەمەس اكسيونەرلىك قوعامى مەن ماحتۋمكۋلي اتىنداعى تۇرىكمەن مەملەكەتتىك ۋنيۆەرسيتەتى اراسىنداعى ءوزارا تۇسىنىستىك تۋرالى مەموراندۋم؛

- «ءال- فارابي اتىنداعى قازاق ۇلتتىق ۋنيۆەرسيتەتى» كوممەرتسيالىق ەمەس اكسيونەرلىك قوعامى مەن تۇرىكمەنستان سىرتقى ىستەر مينيسترلىگىنە قاراستى حالىقارالىق قاتىناستار ينستيتۋتى اراسىنداعى ءوزارا تۇسىنىستىك تۋرالى مەموراندۋم؛

- «Jusan Mobile» اكسيونەرلىك قوعامى مەن «تۇركمەن تەلەكوم» ەلەكتر بايلانىسى كومپانياسى اراسىنداعى تۇرىكمەنستان/قازاقستان رەسپۋبليكاسى شەكاراسىندا كابەلدىك شەكارا وتكەلىن سالۋ جانە ەلەكتر بايلانىسىنىڭ اقپاراتتىق كوممۋنيكاتسيالىق جەلىلەرىن ءتۇيىستىرۋ نيەتى تۋرالى كەلىسىم.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات