ق ر ءى ءى م پاۆلودار وبلىسىندا ءيتتى ورتەۋ وقيعاسىنا قاتىستى تۇسىنىك بەردى

نۇر- سۇلتان. قازاقپارات – ق ر ىشكى ىستەر مينيسترلىگى الەۋمەتتىك جەلى ارقىلى تاراعان ءيتتى تىرىدەي ورتەپ جىبەرۋ وقيعاسىنا قاتىستى رەسمي تۇسىنىك بەردى، دەپ حابارلايدى قازاقپارات ءتىلشىسى.

«بيىل 18- شىلدە كۇنى «جالوبى پاۆلودار» Instagram پاراقشاسىندا بەلگىسىز بىرەۋدىڭ ءيتتى ورتەگەنى تۋرالى ۆيدەو تارادى. 19- شىلدە كۇنى قىلمىستىق كودەكستىڭ 316-بابىنا سايكەس قىلمىستىق ءىس قوزعالدى. ۆيدەوماتەريال ۇزاقتىعى بويىنشا قىسقا بولۋىنا جانە ناقتى ءبىر ەلدى مەكەننىڭ ايتىلماۋىنا بايلانىستى قازىرگى ۋاقىتتا وقيعا بولعان جەر انىقتالۋ ۇستىندە. الدىن الا ىزدەۋ ناتيجەسى بويىنشا وقيعا پاۆلودار وبلىسىندا بولماعانى انىقتالدى»، - دەدى ق ر ءى ءى م اكىمشىلىك پوليتسيا كوميتەتى باسشىسىنىڭ ورىنباسارى سەرىك ءتۇسىپوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ەسكە سالا كەتسەك، بيىل شىلدە ايىندا Instagram پاراقشاسىندا بەلگىسىز بىرەۋدىڭ ءيتتى ورتەگەنى تۋرالى ۆيدەوجازبا تارادى. كەيبىر ب ا ق- تىڭ حابارلاۋىنشا، ءتارتىپ ساقشىلارى وقيعانىڭ پاۆلودار وبلىسىندا بولعانىن بولجاعان.