+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ميلليونداي وتباسىعا ارناپ تۇرعىن ءۇي سالىنادى -  باۋىرجان بايبەك

25 قازان 16:29
:ءبولىسۋ
ميلليونداي وتباسىعا ارناپ تۇرعىن ءۇي سالىنادى -  باۋىرجان بايبەك

نۇر- سۇلتان. قازاقپارات - «Nur Otan»ءتوراعاسىنىڭ ءبىرىنشى ورىنباسارى باۋىرجان بايبەك ساياسي كەڭەستىڭ كەڭەيتىلگەن وتىرىسى قارساڭىندا پارتيانىڭ سايلاۋالدى ۋادەلەرىنىڭ الماتى وبلىسىندا ورىندالۋ بارىسىمەن تانىستى، دەپ حابارلايدى قازاقپارات.

ونىڭ ايتۋىنشا، ەلباسى، پارتيا ليدەرى نۇرسۇلتان نازاربايەۆتىڭ تاپسىرماسى بويىنشا «Nur Otan» - نىڭ ءار وبلىستا، قالادا جانە اۋداندا 217 جول كارتاسىنىڭ ىسكە اسىرىلۋىنا جۇيەلى باقىلاۋ جۇرگىزىلۋدە. مەملەكەت باسشىسى قاسىم- جومارت توقايەۆ جاريا ەتكەن 2025 -جىلعا دەيىنگى «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى الماتى وبلىسىندا % 27- كە ورىندالعان. 757 مىڭ شارشى مەتر تۇرعىن ءۇي، 12 مەكتەپ پايدالانۋعا ەنگىزىلدى، 538 ك م جول سالىنىپ، جوندەۋدەن ءوتتى، 27 مىڭ تۇراقتى جۇمىس ورنى اشىلدى جانە ت. ب.


«پارتيانىڭ ازاماتتاردى اۋىلدىق جەرلەردە تۇرعىن ۇيمەن قامتاماسىز ەتۋ بويىنشا سايلاۋالدى ۋادەلەرى اياسىندا فيليال ءتوراعاسى، وبلىس اكىمى اماندىق باتالوۆپەن بىرگە قاراساي اۋدانى ايتەي اۋىلىنداعى «ءومىرۇزاق» تۇرعىن ءۇي كەشەنىن ارالادىم. وندا بيىل 200 پاتەرلىك 50 ءۇي سالىنعان. تاياۋ ۋاقىتتا ولاردىڭ ءبىر بولىگىن اۋداندا كەزەكتە تۇرعاندار، ونىڭ ىشىندە «كوپبالالى وتباسى» ساناتىنداعىلار الادى»، - دەپ جازدى ول Facebook-تەگى پاراقشاسىندا.

باۋىرجان بايبەك اتاپ وتكەندەي، جالپى 5 جىلدا ەلىمىز بويىنشا 1 ميلليونداي قازاقستاندىققا، ونىڭ ىشىندە 284 مىڭ از قامتىلعان وتباسىعا، مۇمكىندىگى شەكتەۋلى ازاماتتارعا، جەتىم بالالارعا ارناپ 103 ميلليونداي شارشى مەتر تۇرعىن ءۇي ەنگىزىلەدى. بۇل ءۇشىن مەملەكەت شىعىنداردى سۋبسيديالاۋ ارقىلى كاسىپكەرلەردىڭ اۋىلدا جالدامالى تۇرعىن ءۇي سالۋىن ىنتالاندىراتىن بولادى.


سونداي- اق، «ديپلوممەن اۋىلعا» باعدارلاماسىنىڭ قاتىسۋشىلارى ءۇشىن جەڭىلدەتىلگەن نەسيە ءبولۋ كوزدەلگەن. جىل سوڭىنا دەيىن 4,5 مىڭ جاس مامان وسى شارامەن قامتىلاتىن بولادى. بۇدان كەيىن پارتيا ءتوراعاسىنىڭ ءبىرىنشى ورىنباسارى جامبىل اۋدانى سارىباي بي اۋىلىندا «Nur Otan» باعدارلاماسىنا سايكەس سالىنعان جاڭا دارىگەرلىك امبۋلاتوريادا بولدى.

«پارتيا ەلىمىزدىڭ بارلىق تىرەك جانە سەرىكتەس اۋىلدارىندا دارىگەرلىك امبۋلاتوريالار مەن فەلدشەرلىك- اكۋشەرلىك پۋنكتتەر اشۋعا ىقپال ەتەتىن بولادى. اۋداندىق اۋرۋحانالاردى زاماناۋي كومپيۋتەرلىك توموگرافيالارمەن، رەنتگەن- اپپاراتتارمەن جانە تاعى دا باسقا قاجەتتى جابدىقپەن جاراقتاندىرۋ شارالارى قولعا الىنادى»، - دەدى ول.

سول كۇنى باۋىرجان بايبەك ۇزىناعاش اۋىلىندا تاياۋدا تىكەلەي حالىق سايلاعان اۋىلدىق وكرۋگتەر اكىمدەرىمەن، سونداي- اق بارلىق دەڭگەيدەگى ءماسليحاتتار فراكسيالارى جەتەكشىلەرىمەن كەزدەستى.

پارتيانىڭ باسپا ءسوز قىزمەتىنىڭ مالىمەتىنشە، كەزدەسۋ بارىسىندا سايلاۋالدى مىندەتتەمەلەردى ساپالى ورىنداۋ جانە قاجەتتى قاراجاتتى ۋاقتىلى ءبولۋ بويىنشا مىندەتتەر تالقىلانعان. سونىمەن قاتار، الماتى قالاسىندا، الماتى جانە جامبىل وبلىستارىندا سايلاۋالدى ۋادەلەردىڭ ىسكە اسىرىلۋ بارىسى ونلاين- فورماتتا قاراستىرىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات