كوروناۆيرۋس پاندەمياسى ادامداردىڭ پسيحولوگياسىنا قالاي اسەر ەتتى

None
None
الماتى. قازاقپارات - كوروناۆيرۋس پاندەمياسى كوپشىلىكتىڭ پسيحولوگياسىنا جايسىز اسەر ەتتى. اقپارات اعىنى جىلدام زاماندا ۆيرۋس تۋرالى ءسانتۇرلى الىپقاشپا جاڭالىق ەلدىڭ كوڭىلىندە ۇرەي مەن قورقىنىش تۋعىزدى.

بۇل تۋرالى س. ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىندە وتكەن باسپا ءسوز ءماسليحاتىندا پسيحياتريا سالاسىنداعى جەتەكشى مامان ايتتى، دەپ حابارلايدى قازاقپارات ءتىلشىسى. باسپا ءسوز ءماسليحاتى بارىسىندا ۆ. م. بەحتەريەۆ اتىنداعى ۇلتتىق مەديتسينالىق پسيحياتريا جانە نيەۆرولوگيا زەرتتەۋ ورتالىعىنىڭ ديرەكتورى نيكولاي نەزنانوۆ پاندەميا ادام پسيحولوگياسىنا كەرى اسەر ەتكەنىن ايتتى.

«كەز كەلگەن ۇرەي نەگاتيۆ اسەر قالدىرادى. ەگەر ادام اۋرۋ جۇقتىرىپ الامىن دەپ قورىقسا، ادامنىڭ اعزاسى جالعان سيمپتوم سەزىنۋى مۇمكىن. كوروناۆيرۋس ادامداردى جاپپاي قيىن پسيحولوگيالىق حالگە اكەلدى. بىرەۋلەر جۇمىسىنان ايىرىلدى، بىرەۋلەر ىشىمدىككە سالىندى. ءوزىن- ءوزى وقشاۋلاۋ، ادامدارمەن قاتىناستى ءۇزۋ ءبىزدىڭ ادەتتەگى ومىرىمىزگە كوپ وزگەرىس اكەلدى. ادەتتە دەپرەسسيا بىرنەشە كۇن ىشىندە اياقتالۋى ءتيىس. ال ەگەر كلينيكالىق دەپرەسسيا تۋرالى ايتاتىن بولساق، مۇنداي جاعداي بىرنەشە اپتاعا، ايعا سوزىلادى. كۇيزەلىس كوپ جاعدايدا سىرتقى فاكتورلاردىڭ اسەرىنەن تۋىندايدى. ەگەر ونى كوۆيد جاعدايىنا ەكستراپولياتسيا جاساساق، بۇل - ۆيرۋستىڭ اسەرى عانا ەمەس، سونىمەن بىرگە وقشاۋلاۋ، جاعدايدى بولجاۋ پروبلەمالارى»، - دەدى دارىگەر.

ونىڭ ايتۋىنشا، كۇيزەلىستىڭ ءوسۋى جاھاندانۋ مەن اقپاراتتىڭ تەز تارالۋىنان تۋىنداپ وتىر.

«نەگىزگى تەرىس اسەرلەر اقپاراتتىڭ جاڭا تولقىنىنان پايدا بولادى. مۇندايدا ادامدار جاعىمسىز ەموتسيا سەزىنەدى. البەتتە، ءار ادامدا جاعداي ءارتۇرلى بولادى. بىرەۋ بۇرىشقا تىعىلادى. بىرەۋ اگرەسسيۆتى بولا باستايدى. ەڭ الدىمەن قاي جاعدايدا دا ءومىردىڭ ەكسترەمالدى لوگيكاسى ءقازىر شىنايى بولىپ جاتقان نارسە ەكەنىن مويىنداۋ كەرەك. ىڭعايىنا توسەلە بىلۋگە تىرىسقان ءجون. قورقىنىشتان ارىلۋ ءۇشىن ميدى تىنىشتاندىراتىن ىسپەن اينالىسقان ابزال»، - دەيدى ول. الايدا، ونىڭ پىكىرىنشە، ءدارى-دارمەك - ەڭ سوڭعى ءادىس.

«ءدارىنى جاقسى ومىردەن قابىلدامايمىز. بۇل - ءاردايىم ادامنىڭ جاعدايى مەن فيزيكالىق جانە ينتەللەكتۋالدىق ماسەلەسى. ءدارى توسقاۋىل قويا الادى. ەگەر انتيدەپرەسسانت تۋرالى ايتاتىن بولساق، ولار كوڭىل- كۇيدى تۇراقتاندىرادى جانە جاقسارتادى، ءبىراق كۇيزەلىس ماسەلەسىن شەشپەيدى. سوندىقتان بارىنشا ۇرەيگە بوي الدىرماعان ءجون»، - دەدى نيكولاي نەزنانوۆ.

سوڭعى جاڭالىقتار