+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

الماتى «سارى» ايماققا ءوتتى، دەگەنمەن بوساڭسۋعا ءالى ەرتە - دارىگەر

25 قازان 11:25
:ءبولىسۋ
الماتى «سارى» ايماققا ءوتتى، دەگەنمەن بوساڭسۋعا ءالى ەرتە - دارىگەر

الماتى. قازاقپارات - الماتى قالالىق №7-كلينيكالىق اۋرۋحانانىڭ ەمحاناسىنىڭ موبيلدىك توبىنىڭ جاۋاپتى دارىگەرى جانىبەك سەرىكباي قازاقپارات تىلشىسىنە كوروناۆيرۋستان ەمدەۋدىڭ بۇگىنگى ءادىس- تاسىلدەرى مەن رەۆاكسيناتسيا(قايتا ۆاكسيناتسيالاۋ - رەد.) جايلى ايتىپ بەردى.

«كوروناۆيرۋسپەن كۇرەستە تولىققاندى قۇراستىرىلعان كلينيكالىق حاتتاما بار. سول بويىنشا «دالەلدى مەديتسينا» اقپاراتىن قولدانا جانە ءاربىر ناۋقاستىڭ سيمپتومىن ەسكەرە وتىرىپ، تاعايىندالاتىن ءدارى- دارمەكتەرمەن ينۆازيۆتى جانە ينۆازيۆتى ەمەس ءادىس- تاسىلدەر ارقىلى كومەك كورسەتىلەدى»، - دەدى دارىگەر.

ونىڭ ايتۋىنشا، الماتىدا قازىرگى ۋاقىتتا كوروناۆيرۋس ىندەتىن جۇقتىرعاندار سانى ازايىپ كەلەدى. «ۆيرۋس وتە قاۋىپتى، ول مۋتاتسياعا ۇشىراۋى جانە جاڭا شتامداردىڭ پايدا بولۋى ابدەن مۇمكىن. سوندىقتان سانيتارلىق تالاپتاردى تولىققاندى ورىنداعان دۇرىس. الماتى «سارى» ايماققا وتسە دە، ەش بوساڭسۋدىڭ قاجەتى جوق. العاشقى سيمپتومدار پايدا بولعان جاعدايدا (جوتەل، تەمپەراتۋرانىڭ كوتەرىلۋى، بۇلشىق ەت اۋرۋى، باس اۋرۋى) دەرەۋ دارىگەرگە قارالۋ قاجەت. مۇندايدا الدىن الۋ شارالارىن ورىنداعان ءجون. اسقىندىرماۋ ءۇشىن دارىگەر جازعان نۇسقاۋلىقتى تولىق ورىنداۋ كەرەك»، - دەدى جانىبەك سەرىكباي.

رەۆاكتسيناتسيا جايلى دارىگەر ءوز ويىن بىلايشا جەتكىزدى.

«رەۆاكتسيناتسيا ۆاكسينادان كەيىن يممۋنيتەتتى كوتەرۋ ماقساتىندا جاسالاتىن شارا. ۆيرۋس ءتۇرىنىڭ مۋتاتسيالىق قابىلەتىن ەسكەرە وتىرىپ، ۆيرۋستىڭ پاندەميالىق دارەجەدەگى الدىن الۋ شارالارىنىڭ ەڭ نەگىزگى جانە ماڭىزدى شەشىمى دەپ ويلايمىن. اعزانىڭ وزىندىك يممۋنيتەتى ارقىلى ۆيرۋستى تولىققاندى جەڭۋ ءۇشىن جاسالاتىن ءىس شارا بولىپ تابىلادى.

ايتا كەتەيىك، رەۆاكسيناتسيانى العاشقى ۆاكسينانىڭ تولىق 2 كومپونەنتىن العان سوڭ، 6-9 ايدان كەيىن الۋ كەرەك»، - دەدى ول.

اۆتور: دۋمان ارعىنگەلدى



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات