پاندەميا الەم ونى توقتاتۋدى تولىق قالاعان كەزىندە اياقتالادى – د د س ۇ باسشىسى

بەرلين. تاسس- قازاقپارات - الەمنىڭ پاندەميانىڭ جەڭۋى ءۇشىن مەديتسينالىق مۇمكىندىكتەرىن قوسقاندا، بارلىق قۇرالدارى بار. الايدا ولار ءتيىستى دەڭگەيدە قولدانىلمايدى.

بۇل تۋرالى جەكسەنبى كۇنى دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) باس ديرەكتورى تەدروس ادانوم گەبرەيەسۋس ءمالىم ەتتى، دەپ حابارلايدى قازاقپارات.

بەرليندە ءوتىپ جاتقان دەنساۋلىق ساقتاۋ سامميتىندە گەبرەيەسۋس الەم قاۋىمداستىعىن جىلدىڭ سوڭىنا دەيىن بارلىق ەلدەردە ۆاكتسينانالاۋمەن قامتۋدى كەم دەگەندە %40 دان اسىرۋعا شاقىردى. ول وزىنە پاندەميانىڭ قاشان اياقتالاتىنى تۋرالى سۇراقتىڭ ءجيى قويىلاتىنىن مالىمدەدى.

«مەنىڭ جاۋابىم مىناداي: پاندەميا الەم ونى توقتاتۋدى تولىق قالاپ ىسكە كىرىسكەندە كەزدە عانا اياقتالادى. ءبارى ءوز قولىمىزدا»، - دەدى د د س ۇ باسشىسى.

ول الەم قاۋىمداستىعىنىڭ پاندەميانى جەڭۋى ءۇشىن بارلىق قاجەت قۇرالداردىڭ بار ەكەنىن اتاپ ءوتتى. ولاردىڭ قاتارىندا قوعامدىق دەنساۋلىقتى ساقتاۋ جانە مەديتسينالىق مۇمكىندىك بار.

«الايدا الەم ءوز مۇمكىندىگىن ءتيىستى دەڭگەيدە قولدانعان جوق. كۇندەلىكتى 50 مىڭ ادام ۆيرۋستان قايتىس بولىپ جاتىر، پاندەميا اياقتالعان جوق. مۇنىڭ ءوزى تەك بىزگە بەلگىلى ستاتيستيكا»، - دەدى باس ديرەكتور.

ول د د س ۇ- نىڭ بۇرىن جاريالاعان ماقساتىن اتاپ ءوتتى. ول - 2021 -جىلدىڭ سوڭىنا دەيىن ءار ەل حالقىن كەم دەگەندە %40 ۆاكسينالاۋمەن قامتۋ. بۇل ۆاكتسينانى جەتكىزۋدى باقىلايتىن ەلدەر مەن كومپانيالار ايتقاندارىن ورىنداعان جاعدايدا عانا جۇزەگە اسپاق، دەدى گەبرەيەسۋس.

ول حالقىنىڭ %40 ى ۆاكتسينا سالدىرعان ەلدەردى COVAX حالىقارالىق مەحانيزمى مەن افريكانىڭ ۆاكسينا ساتىپ الۋ جونىندەگى ماقساتتى توبىنا (AVAT) پرەپاراتتار جەتكىزىپ وتىرۋعا شاقىردى. ولاردىڭ قاتارىندا G20 ەلدەرى بار.