ب ق و- دا جول اپاتىنان اۆتوكولىك ىشىندە ەكى ادام جانىپ كەتتى

None
None
ورال. قازاقپارات - باتىس قازاقستان وبلىسىندا جول اپاتىنان اۆتوكولىك ىشىندە ەكى ادام جانىپ كەتتى، دەپ حابارلايدى قازاقپارات ءتىلشىسى.

ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا 24-قازان كۇنى اقجايىق اۋدانى اۋماعىندا بولدى. ورال- اتىراۋ جولىنىڭ 209-شاقىرىمىندا «لادا ۆەستا» جانە «لادا پريورا» اۆتوكولىكتەرى بەتپە- بەت سوقتىعىسقان. سونىڭ سالدارىنان اۆتوكولىكتەر ورتەنگەن. «لادا پريورا» اۆتوكولىگىنىڭ ىشىندە بولعان ەكى ادام جانىپ كەتتى.

«لادا ۆەستادا» ءتۇرلى جاراقات العان 31 جاستاعى ەر ادام مەن ونىڭ 30 جاستاعى ايەلى اقجايىق اۋداندىق ورتالىق اۋرۋحاناعا جەتكىزىلدى. وقيعا ورنىندا ءورت سوندىرۋشىلەر مەن تراسسالىق مەديتسينالىق قۇتقارۋ بەكەتىنىڭ قىزمەتكەرلەرى دە باردى. پوليسيا قىزمەتكەرلەرى دە جۇمىس ىستەۋدە.

ەسكە سالا كەتەيىك، بۇدان بۇرىن باتىس قازاقستاندا جۇك كولىگى قاعىپ كەتكەن جۇرگىزۋشىنىڭ كوز جۇمعانىن جازعان بولاتىنبىز.

سوڭعى جاڭالىقتار