08:02, 25 - قازان 2021 | GMT +6
قازاقستاندىق اتلەت گىر كوتەرۋدەن الەم چەمپيونى اتاندى
كوكشەتاۋ. قازاقپارات - اقمولا وبلىسى ساندىقتاۋ اۋدانىنىڭ سپورتشىلارى گىر كوتەرۋ سپورتىنان الەم چەمپيوناتىندا ءبىر التىن جانە ءبىر قول مەدال يەلەندى، دەپ حابارلايدى قازاقپارات ءتىلشىسى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، ۆەنگريادا گىر سپورتىنان الەم چەمپيوناتى ءوتىپ جاتىر. بايراقتى جارىسقا الەمنىڭ 32 ەلىنەن ەڭ مىقتى اتلەتتەر قاتىسۋدا. ونىڭ ىشىندە اقمولا وبلىسى ساندىقتاۋ اۋدانىنىڭ سپورتشىلارى ۇزدىك ناتيجە كورسەتىپ، ەكى مەدال جەڭىپ الدى.
«اندرەي دۋلين 63 كەلى سالماق دارەجەسىندە چەمپيون اتانسا، 95 كەلىدە سىنعا تۇسكەن ۆلاديمير پروحوروۆ قولا جۇلدەگەر اتاندى. سپورتشىلار باپكەرى سەرگەي پروحوروۆتىڭ جەتەكشىلىگىمەن جاتتىعادى»، - دەدى ۆەدومستۆونىڭ باسپا ءسوز حاتشىسى ماحاببات بولشينا.