اقمولالىق اتلەت الەم چەمپيوناتىنىڭ كۇمىس جۇلدەگەرى اتاندى

None
None
كوكشەتاۋ. قازاقپارات - اقمولالىق اتلەت گىر كوتەرۋ سپورتىنان الەم چەمپيوناتىنىڭ كۇمىس جۇلدەگەرى اتاندى، دەپ حابارلايدى قازاقپارات.

وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، ۆەنگريا ەلىندە گىر كوتەرۋ سپورتىنان الەم چەمپيوناتى ءوتىپ جاتىر.

بايراقتى جارىسقا 32 ەلدىڭ ەڭ مىقتى سپورتشىلارى ونەر كورسەتۋدە.

«ۇلتتىق قۇرامانىڭ ساپىندا بولعان اقمولالىق سپورتشى جامبىل وسپانوۆ 95 كەلى سالماق دارەجەسىندە كۇمىس جۇلدەگە قول جەتكىزدى»، - دەدى ۆەدومستۆودان.

جامبىل اقمولا وبلىسىنىڭ استراحان اۋدانىندا باپكەرى باقتيار جۇمابەكوۆتىڭ جەتەكشىلىگىمەن جاتتىعادى.

سوڭعى جاڭالىقتار