+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

كاسپي تەڭىزىنىڭ جاعالاۋىنا قوقيقازدار ۇشىپ كەلدى

23 قازان 11:35
:ءبولىسۋ
كاسپي تەڭىزىنىڭ جاعالاۋىنا قوقيقازدار ۇشىپ كەلدى

اتىراۋ. قازاقپارات - اتىراۋ وبلىسىنداعى رەزەرۆاتقا قوقيقازدار ۇشىپ كەلدى، دەپ حابارلايدى قازاقپارات.

«اقجايىق» مەملەكەتتىك تابيعي رەزەرۆاتىنىڭ ورنيتولوگى يليا بوفونوۆتىڭ ايتۋىنشا، قوقيقازدار كاسپي تەڭىزىنىڭ جاعالاۋىندا بايقالعان.

«بۇل قۇس جىل سايىن كۇزدە رەزەرۆات اۋماعى ارقىلى ۇشادى. كەيدە وتە كوپ جينالادى. قىزعىلت قوقيقازدار وڭتۇستىك يران، يراك، ءۇندىستان، فرانسيا مەن افريكا ەلدەرىنە دەيىن ۇشادى. سول سەبەپتەن، ءبىزدىڭ رەزەرۆاتتىڭ اۋماعىنا ايالداپ، دەمالادى ءارى قورەكتەنەدى. ءبىر ەرەكشەلىگى، قوقيقازدار باعىتىن ەشقاشان وزگەرتپەيدى» - دەيدى يليا بوفونوۆ.

ونىڭ دەرەگىنە سۇيەنسەك، «اقجايىق» مەملەكەتتىك تابيعي رەزەرۆاتى ۇكىمەتتىڭ 2009-جىلعى 6- اقپانداعى قاۋلىسىمەن قۇرىلعان.

2009-جىلعى 1- ساۋىردە جايىق وزەنىنىڭ كاسپي تەڭىزىنە قۇيار ساعاسىنداعى رەزەرۆات اۋماعى حالىقارالىق ماڭىزى بار سۋلى-باتپاقتى القاپتار تىزىمىنە ەنگىزىلگەن.

ەسكە سالا كەتەلىك، بۇدان بۇرىن جايىق وزەنىنىڭ كاسپي تەڭىزىنە قۇيار ساعاسىنىڭ تەرەڭدىگى ولشەنگەنىن جازعان بولاتىنبىز.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات