ەلوردادا الىبەك دىنىشيەۆتىڭ مەرەيتويلىق كونسەرتى ءوتتى

None
None
نۇر-سۇلتان. قازاقپارات - ەلوردادا اڭىزعا اينالعان ءانشى الىبەك دىنىشيەۆتىڭ مەرەيتويلىق كونسەرتى ءوتتى، دەپ حابارلايدى قازاقپارات استانا وپەرا تەاترىنا سىلتەمە جاساپ.

قازاق ك س ر جانە ك س ر و حالىق ءارتىسى، ق ر مەملەكەتتىك سىيلىقتارىنىڭ لاۋرەاتى، قازاقستاننىڭ ەڭبەك ەرى، ايگىلى تەنور الىبەك دىنىشيەۆ 22- قازاندا «استانا وپەرا» ساحناسىندا مەرەيتويلىق كونسەرتپەن ونەر كورسەتتى.

شىعارماشىلىق كەشتى ق ر مادەنيەت جانە سپورت مينيسترلىگى وتكىزدى.

سۇيىكتى ونەرپازىن ساحنادان جىبەرگىسى كەلمەگەن كورەرمەن قاۋىم ءۇشىن ءانشى مۋزىكالىق شلياگەرگە اينالعان تۋىندىسىن بيسكە تاماشا ورىنداپ بەردى. مازمۇندى باعدارلاماعا «استانا وپەرا» تەاترىنىڭ حورى جانە قازاقستاننىڭ ەڭبەك سىڭىرگەن قايراتكەرى الەكساندر بەلياكوۆتىڭ جەتەكشىلىگىمەن الماتى قالاسى اكىمىنىڭ ەسترادالىق-سيمفونيالىق وركەسترى قاتىستى.

الىبەك دىنىشيەۆ بارشاعا سۇيىكتى «ليۋبليۋ تەبيا، موي كراي رودنوي…» انىمەن كونسەرتتىڭ شىمىلدىعىن اشتى. سونداي-اق جينالعان جۇرت الىبەك مۇسا ۇلىنىڭ تاماشا ورىنداۋىنداعى ابايدىڭ «جەلسىز تۇندە جارىق-اي»، جاياۋ مۇسانىڭ «اقسيسا»، «اقباقاي» حالىق اندەرىنە جوعارى باعاسىن بەردى.

زالداعى كورەرمەندەر م. بلانتەر، ي. سەلۆينسكيدىڭ «زا ۆىسوكيمي گورامي»، ۆ. سولوۆيەۆ- سەدوي، م. يساكوۆسكيدىڭ «ۋسلىش مەنيا، حوروشايا»، ا. بابادجانيان، ر. روجدەستۆەنسكيدىڭ «زيمنيايا ليۋبوۆ»، ا. بابادجانياننىڭ «زاگاداي جەلانيە» سياقتى تانىمال شىعارمالاردى اتاقتى ارتىسپەن بىرگە قوسىلىپ شىرقادى.

بۇدان بولەك، كەش باعدارلاماسىندا دج. كاچچينيدىڭ «Ave Maria»، ف. پ. توستي، گ. د’اننۋنتسيونىڭ «’AVucchella»، ا. لارانىڭ «Solamente una vez» جانە تاعى باسقا باتىس ەۋروپالىق رەپەرتۋاردىڭ كوپتەگەن اندەرى ۇسىنىلدى.

كورەرمەن قاۋىم سۇيىكتى ءارتىسىن ۇزاق ۋاقىت بويى ساحنادان جىبەرمەدى: «براۆو»، «بيس» دەگەن داۋىستار زالدىڭ بارلىق بۇرىشىنان ەستىلىپ جاتتى، ال اتاقتى تەنور ءوز ونەرىنە تابىنۋشىلارعا ارناپ، ك. ۆەلاسكەزدىڭ «Besame mucho» ءانىن شىرقادى.


تىڭدارماندار وپەرا ساحناسىنىڭ اڭىزىنا اينالعان تۇلعاسىنا تىك تۇرىپ قوشەمەت كورسەتتى.

سوڭعى جاڭالىقتار