مەتال كونسترۋكتسيانىڭ استىندا قالعان ايەل: سوتقا دەيىنگى تەرگەۋ باستالدى

نۇر-سۇلتان. قازاقپارات - نۇر-سۇلتان قالاسىندا ايەلدىڭ توبەسىنە مەتال كونسترۋكتسيا قۇلاپ، ول اۋرۋحاناعا جاتقىزىلدى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

وسى ورايدا اتالعان وقىس وقيعاعا قاتىستى سوتالدى تەرگەۋ جۇمىسى باستالدى.

«22- قازان كۇنى ساعات 13:00 كەزىندە «102» جەلىسىنە سىعاناق كوشەسى بويىنداعى بيزنەس ورتالىقتىڭ شاتىرىنان ايەلدىڭ توبەسىنە مەتال كونسترۋكسيا قۇلاعانى تۋرالى حابار كەلىپ ءتۇستى. انىقتالعانداي، 56 جاستاعى ايەلدىڭ توبەسىنە قاتتى جەلدىڭ اسەرىنەن مەتال كونسترۋكتسيا قۇلاعان، سالدارىنان ايەل جاراقات العان»، - دەلىنگەن حابارلامادا.

سونداي-اق، ەسىل اۋداندىق پوليتسيا باسقارماسى بولعان وقيعاعا قاتىستى ق ر قىلمىستىق كودەكسىنىڭ 306-بابىنا سايكەس ساراپتاما جۇرگىزىلىپ، سوتالدى تەرگەۋ ءىسىنىڭ باستالعانىن حابارلادى.

بۇعان دەيىن ەلوردادا توبەسىنە مەتال كونسترۋكتسيا قۇلاپ، سالدارىنان جاراقات الىپ اۋرۋحاناعا تۇسكەن ايەلدىڭ جاعدايى تۋرالى حابارلاعان ەدىك.