+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستان عالىمدارى مىسىقتى كوروناۆيرۋستان قورعايتىن ۆاكسينا ازىرلەدى

22 قازان 19:57
:ءبولىسۋ
قازاقستان عالىمدارى مىسىقتى كوروناۆيرۋستان قورعايتىن ۆاكسينا ازىرلەدى

نۇر-سۇلتان. قازاقپارات - قازاقستان عالىمدارى مىسىقتى كوروناۆيرۋستان قورعايتىن ۆاكسينا ازىرلەدى.

بۇل جايىندا قازاق ۇلتتىق اگرارلىق ۋنيۆەرسيتەتى جانىنداعى حالىقارالىق ۆاكسينولوگيا ورتالىعىنىڭ ديرەكتورى قايسار تابىنوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، ەلوردادا ءوتىپ جاتقان Kazagro/Kazfarm-2021 حالىقارالىق كورمەسىندە مىسىقتارعا ارنالعان COVID-19 عا قارسى جاڭا سۋببىرلىكتى NARUVAX- C19 (pets) ۆاكسيناسى ق ر اۋىل شارۋاشىلىعى ءمينيسترى ەربول قاراشوكەيەۆكە تانىستىرىلعان.

«وكىنىشكە قاراي، ءبىزدىڭ كەيبىر ءۇي جانۋارىمىز، ونىڭ ىشىندە مىسىقتار بۇل ينفەكسيانى جۇقتىرۋعا بەيىم ءارى وسىناۋ زۇلىم ۆيرۋستىڭ مۋتاتسياسىنا ءوز ۇلەسىن قوسۋ قاۋپى دە جوعارى. الەمدەگى كەيبىر فراماتسەفتيكالىق الىپ كومپانيالار جانۋارلارعا ارنالعان COVID-19 ۆاكسيناسىن ازىرلەپ جاتىر. مىسىقتارعا ارنالعان ءبىزدىڭ COVID-19 ۆاكسيناسىن ازىرلەۋمەن ق ر ا ش م قازاق ۇلتتىق اگرارلىق ۋنيۆەرسيتەتى جانىنداعى حالىقارالىق ۆاكسينولوگيا ورتالىعىنىڭ، ق ر د س م اسا قاۋىپتى ينفەكسيالار ۇلتتىق عىلىم ورتالىعىنىڭ عالىمدارى اينالىستى.

ەكى مارتە يممۋنداۋ رەجيمىندە NARUVAX- C19 (pets) مىسىقتارعا تولىعىمەن قاۋىپسىز، سونىمەن قاتار SARS- COV-2 ۆيرۋسىنان قورعانىستى قامتاماسىز ەتتى. سونىمەن قاتار ول COVID-19 ۆيرۋسىنىڭ دەلتا نۇسقالارىنا قارسى بەيتاراپتاندىرۋشى انتيدەنەنىڭ جوعارى تيترىنىڭ قالىپتاسۋىنا سەپ بولدى»، - دەدى ول.

سونىمەن قاتار قايسار تابىنوۆ بەيىندى ۆەدومستۆو - اۋىل شارۋاشىلىعى مينيسترلىگىنىڭ عالىمداردىڭ بۇل جۇمىسىنا تولىقتاي قولداۋ كورسەتىپ وتىرعانى قۋانتاتىنىن اتاپ ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات