نۇرسۇلتان نازاربايەۆ كلينتونعا بەرگەن سىيلىعىن اياققا تاستاپ، تۇسەنىش جاساعانىن ايتتى

None
None
نۇر- سۇلتان. قازاقپارات - تۇڭعىش پرەزيدەنت نۇرسۇلتان نازاربايەۆ ا ق ش- تىڭ بۇرىنعى پرەزيدەنتى بيلل كلينتونعا بەرگەن سىيلىعى تۋرالى ايتتى، دەپ حابارلايدى Sputnik قازاقستان.

«شتريحي ك پورترەتۋ» دەرەكتى فيلمىنىڭ كەزەكتى بولىمىندە جۋرناليست نازاربايەۆتان مەملەكەت باسشىلارىنىڭ قانداي سىيلىعى ەستە قالعانىن سۇرادى.

ەلباسى ا ق ش- تىڭ ەكس- پرەزيدەنتى بيلل كلينتونعا نە سىيلاعانىن ەسكە الدى.

«باتىس ەلدەرى سىيلىقپەن اۋەستەنبەيدى. مەن تاجىريبە جوقتىعىنان كلينتونعا ءوز پورترەتى سالىنعان شاعىن كىلەم اپاردىم. ونى الماتى فابريكاسى جاساپ شىعاردى. ول كىلەمدى ءىلىپ قويىپ، وزىنە قاراپ وتىرادى دەپ ويلاعان ەدىم. ءبىز ول سىيلىقتى تاپسىردىق. كەيىن كەزدەسۋگە بارسام، قابىلداۋ بولمەسىندە حاتشى اياق كيىمىنىڭ وكشەسىمەن ونىڭ مۇرنىن باسىپ تۇر. ول ونى قابىلداۋ بولمەسىنە توسەگەن ەكەن. بىزدە مۇندايعا جول بەرمەۋشى ەدى. ال ول جاقتا ءبارى باسقاشا»، - دەدى نازاربايەۆ.

ايتۋىنشا، ءبىزدىڭ پوستكەڭەستىك ەلدەر سىيلىق بەرۋگە قۇمار.

«گۋربانگۋلى بەردىمۇحامەدوۆ (تۇرىكمەنستان پرەزيدەنتى) اقالتەكە جىلقىسىن تارتۋ ەتتى. جاقسى سىيلىق. وزبەك حالاتتارىن نەمەسە بۇيىمداردى سىيلاپ جاتادى. قىرعىزدار دا جىلقى سىيلايدى. ءبىز دە بارىمىزدى بەرەمىز. بىزدە وسىلاي قابىلدانعان»، - دەدى ەلباسى.


سوڭعى جاڭالىقتار