+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

نۇرسۇلتان نازاربايەۆ كۇردەلى وتا جاساتقانىن ايتتى

22 قازان 13:26
:ءبولىسۋ
نۇرسۇلتان نازاربايەۆ كۇردەلى وتا جاساتقانىن ايتتى

نۇر -سۇلتان. قازاقپارات - نۇرسۇلتان نازاربايەۆ ومىرتقاسىنا وتا جاساتقانى تۋرالى ايتتى.

«قازىر بۇرىن ەشقايدا ايتپاعان دۇنيەنى ايتايىن. مەن ومىرتقاما، بەلىمە وتا جاساتتىم، وتە كۇردەلى وتا. 8-ناۋرىزدا (2011 -جىلعى - ەسكەرت. ) كونسەرتتە وتىرعانبىز. كونسەرت ءبىتتى، ورنىمنان تۇردىم. ءبىتتى، اياعىمدى باسا المايمىن. بىردەڭە بولدى. كۇزەت وفيتسەرىن شاقىردىم دا، «قاسىما تۇ ر « دەدىم. ادامدار بايقاماۋى ءۇشىن ونىڭ قولىنان تاياق ۇستاعانداي ۇستاپ الىپ ءجۇردىم. زال لىق تولى. مىنە، وسىلاي بولدى»، - دەدى نازاربايەۆ «شتريحي ك پورترەتۋ. وتكروۆەنيە» دەرەكتى فيلمىندە بەرگەن سۇحباتىندا.

ونىڭ ايتۋىنشا، ساراپتاما كەزىندە ومىرتقاسىندا اقاۋ بارى بەلگىلى بولعان. كەيىن وتا جاسالعان.

«بالا كەزىمدە قىزىل وترياد كومانديرى تۋرالى فيلم كورگەنمىن. ول جارالانادى، ال وترياد شابۋىلعا شىعۋى كەرەك. ءبىراق ول قولىن تاڭىپ، پالتوسىن كيىپ، جاساق الدىندا تۇرۋى كەرەك بولدى. پرەزيدەنت تە سونداي. پرەزيدەنت ناۋقاس بولسا، ول مەملەكەتتى باسقارا المايدى. جاعدايى قيىن بولسا، ەلدىڭ جاعدايى قانداي بولادى؟ ەل قينالۋى كەرەك پە؟ ەل ارالاپ، كەزدەسۋ وتكىزۋدى جالعاستىرۋى كەرەك، 350 كەزدەسۋ. ال دەنساۋلىق جاراماسا قالاي كەزدەسۋ وتكىزەسىز؟

2011 -جىلى بولاتىن. ودان كەيىن دە ەمدەلۋگە تۋرا كەلدى، ول كۇردەلى وتا ەدى. ماعان تاجىريبەلى، جاقسى حيرۋرگ كەزدەستى. بۇل دا ماڭىزدى شەشىم شىعارۋىما سەبەپ بولدى. بۇل تۋرالى ەشقاشان ايتقان ەمەسپىن. مۇنى قالاي ايتامىن جانە قالاي جۇمىس ىستەيمىن؟ كەتۋ كەرەك. ءبىراق كەتۋگە دايىن بولمادىم، ويتكەنى ءىزباسار ماسەلەسى شەشىلمەدى جانە ت. ب. «، - دەدى نازاربايەۆ.

ول بيلىكتەن كەتكەنىنە ەكى جىلدان اسا ۋاقىت وتكەننەن كەيىن دە تاڭداۋىنا وكىنبەيتىنىن ايتتى.

«وسى جاعدايدان كەيىن، ەشقاشان اۋىرعان ەمەسپىن، قازىر دە اۋىرمايمىن»، - دەپ قوستى قازاقستاننىڭ تۇڭعىش پرەزيدەنتى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات