باسقا ادامدار ءۇشىن ساناقتان ءوتۋدى تالاپ ەتەدى: ۇلتتىق بيۋرو اقپاراتتى جوققا شىعاردى

نۇر-سۇلتان. قازاقپارات - ۇلتتىق ستاتيستيكا بيۋروسى الەۋمەتتىك جەلىدە تاراعان سكرينشوتقا قاتىستى پىكىر ءبىلدىردى، دەپ حابارلايدى قازاقپارات.

«الەۋمەتتىك جەلىلەردە ادامداردان باسقا ازاماتتار ءۇشىن ساناق ساۋالناماسىن تولتىرۋدى سۇرايتىنى تۋرالى اقپارات تاراپ جاتىر. ۇلتتىق ستاتيستيكا بيۋروسى تاراپىنان مۇنداي تالاپ قويىلماعانىن رەسمي تۇردە مالىمدەيمىز» دەيدى ۇلتتىق بيۋرونىڭ باسپا ءسوز قىزمەتى.

مۇنداي فاكتىلەر انىقتالعان جاعدايدا sanaq.gov.kz سايتىندا كورسەتىلگەن تەلەفون نومىرلەرىنە حابارلاسۋ كەرەك.

ازاماتتاردىڭ جەكە دەرەكتەرىنىڭ قۇپيالىلىعىنا زاڭمەن كەپىلدىك بەرىلەدى.

«ەل ازاماتتارىنىڭ كوپتەگەن وتىنىشتەرى بويىنشا بيۋرو تاراپىنان ونلاين ساناقتى قايتا قوسۋ تۋرالى شەشىم قابىلداندى. ول حالىق ساناعىنىڭ سوڭىنا دەيىن قولجەتىمدى بولادى. ەلىمىزدىڭ بارلىق تۇرعىندارىن ماڭىزدى ءىس-شاراعا بەلسەندى قاتىسۋعا شاقىرامىز» دەلىنگەن بيۋرو تاراتقان مالىمەتتە.