USD 436.29 EUR 492.83
RUB 5.92 CNY 68.48
جاڭالىقتار

مۇعالىم وقۋشىلاردىڭ ماڭدايىنا «داپتەر» دەپ جازعان: مينيستر پىكىر ءبىلدىردى

21 قازان 19:53
:ءبولىسۋ
مۇعالىم وقۋشىلاردىڭ ماڭدايىنا «داپتەر» دەپ جازعان: مينيستر پىكىر ءبىلدىردى

نۇر-سۇلتان. قازاقپارات - كوكشەتاۋ قالاسىندا مەكتەپ مۇعالىمى داپتەرىن ۇمىتىپ كەتكەن وقۋشىلاردىڭ ماڭدايىنا «داپتەر» دەپ جازىپ بەرگەن.

بولعان وقيعاعا قاتىستى ق ر ءبىلىم جانە عىلىم ءمينيسترى اسحات ايماعامبەتوۆ تۇسىنىكتەمە بەردى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتى بارىسىندا ق ر ءبىلىم جانە عىلىم ءمينيسترى اسحات ايماعامبەتوۆكە: «كوكشەتاۋ قالاسىندا باستاۋىش سىنىپ مۇعالىمى داپتەرىن ۇمىتىپ كەتكەن 12 وقۋشىنىڭ ماڭدايىنا «داپتەر» دەپ جازىپ بەرگەن. وسى وقيعاعا قاتىستى قانداي پىكىر بىلدىرەر ەدىڭىز؟»، - دەگەن سۇراق قويىلدى.

«مۇعالىم الدىمەن ادامگەرشىلىگى مول جانە مەيىرىمدى بولۋ كەرەك. ارينە، بۇل مۇعالىمگە ءتان قاسيەت ەمەس، شىنىمدى ايتسام سەنە الار ەمەسپىن. قازىرگى ۋاقىتتا اتالعان وقيعاعا قاتىستى ءتيىستى شەشىم قابىلداندى. وسى سەكىلدى وقيعا قايتالانباۋى ءۇشىن شارا قابىلداپ، الدىن الۋىمىز كەرەك. وسى تۇرعىدا ايتىپ وتەتىن ماڭىزدى جايت، مۇعالىمدەردىڭ ءبارى بىردەي ەمەس. وقۋشىلاردى بالاسىنداي جاقسى كورىپ، تاربيە، ءبىلىم بەرىپ جاتقان ۇلگىلى پەداگوگتار جەتكىلىكتى. وكىنىشكە قاراي، ءومىر بولعان سوڭ تەرىس جاعدايلار ورىن الىپ تۇرادى»، - دەپ جاۋاپ بەردى اسحات ايماعامبەتوۆ.

بۇعان دەيىن مينيستر تۇركىستاندا مەكتەپ دارەتحاناسىنداعى توبەلەستەن كەيىن 5-سىنىپ وقۋشىسىنىڭ كوز جۇمعان وقيعاسىنا قاتىستى تۇسىنىكتەمە بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات