+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ايدا بالايەۆا: «ۇلتتىق كود» - ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى

21 قازان 16:03
:ءبولىسۋ
ايدا بالايەۆا: «ۇلتتىق كود» - ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى ماقساتىن ايتتى، دەپ حابارلايدى قازاقپارات ءتىلشىسى.

«وزدەرىڭىزگە ءمالىم، بيىل 13 - قازاندا مەملەكەت باسشىسى ۇلتتىق جوبالار تىزبەسىن بەكىتۋ تۋرالى جارلىققا قول قويدى. ونىڭ نەگىزىندە 10 ناقتى ۇلتتىق جوبا انىقتالدى. سونىڭ ىشىندە، «ۇلتتىق رۋحاني جاڭعىرۋ» جوباسى - 3 باعىت، 7 مىندەت، 21 كورسەتكىش، 66 اۋقىمدى ءىس- شارادان تۇرادى. جوبانىڭ نەگىزگى ماقساتى - ۇلتتىق كودتى ساقتاپ، مادەني بىرەگەيلىكتى جاڭعىرتۋ، ۇلتتىق قۇندىلىقتار مەن سالت- ءداستۇردى ناسيحاتتاۋ ارقىلى - قوعامنىڭ مادەني دەڭگەيىن، تالعامىن جانە رۋحىن كوتەرۋ»، - دەدى ا. بالايەۆا ورتالىق كوممۋنيكاتسيالار قىزمەتىندە.

سونىمەن قاتار ول جاستارعا جاڭا مۇمكىندىكتەر اشىپ، ولاردىڭ ءتۇرلى باستامالارىن جان- جاقتى قولداۋ ەسكەرىلەنىن ايتتى.

«ءسوز جوق، مازمۇنى جاعىنان بۇل ءمانى تەرەڭ، اۋقىمى وتە كەڭ جوبا. بۇل - قانشاما عاسىرلار بويى قالىپتاسقان حالقىمىزدىڭ مادەني بولمىسى، تاريحى مەن تامىرى. سوندىقتان، اسىرەسە، قازىرگى جاھاندانۋ كەزەڭىندە ونى ساقتاپ قالۋ، ۇرپاق بويىنا ءسىڭىرۋدىڭ ماڭىزى زور. ويتكەنى، بۇگىنگى ۇرپاق بويىنا «ۇلتتىق كود» ۇعىمىن قانشالىقتى تەرەڭ سىڭىرسەك - ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى. مىنە، وسى ماسەلەلەردى شەشۋ ءۇشىن جوبانى ءۇش نەگىزگى باعىتتا ىسكە اسىرۋ كوزدەلىپ وتىر»، - دەدى مينيستر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات