+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

كوروناۆيرۋس ادامنىڭ جۇيكە جۇيەسىن زاقىمداي باستادى - جانداربەك بەكشين

21 قازان 15:10
:ءبولىسۋ
كوروناۆيرۋس ادامنىڭ جۇيكە جۇيەسىن زاقىمداي باستادى - جانداربەك بەكشين

الماتى. قازاقپارات - كوروناۆيرۋسپەن اۋىرعان ادامدار اراسىندا ەستە ساقتاۋ جانە ويلاۋ قابىلەتى ناشارلاعاندار بار.

بۇل تۋرالى بريفينگ بارىسىندا الماتىنىڭ باس سانيتار دارىگەرى جانداربەك بەكشين ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى ۋاقىتتا كوروناۆيرۋس جۇيكە جۇيەسىن زاقىمداي باستادى.

«بۇعان دەيىن كوروناۆيرۋس جۇقتىرعان ادامداردا ديارەيا سيندرومى باسىم بولسا، بۇگىنگى كۇنى نەيروتوكسيكالىق سيندروم پايدا بولدى. ياعني، بۇل دەگەنىمىز - ەستە ساقتاۋ قابىلەتىنىڭ بۇزىلۋى، ناۋقاستار ءجيى ەسىنەن تانىپ قالادى. نەيروتوكسيكالىق سيندرومدا ءبىرىنشى كەزەكتە مي زارداپ شەگەدى. سونداي-اق، ادام ساۋىققان سوڭ پوستكوۆيد سيندرومى جالعاسادى. بۇل ولىمگە اكەلۋى مۇمكىن»، - دەدى جانداربەك بەكشين.

الماتىنىڭ باس مەملەكەتتىك سانيتاريا دارىگەرى جانداربەك بەكشين تۇرعىنداردى كوروناۆيرۋس دەرتىنە بەيجاي قاراماۋعا شاقىردى. ول حالىققا سانيتارلىق شارالاردى ساقتاپ، ۆاكسينا الۋ كەرەكتىگىن ەسكەرتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات