پرەزيدەنت: ازاماتتىق قوعام ينستيتۋتتارىن بارىنشا قولداۋ كەرەك

نۇر-سۇلتان. قازاقپارات - ازاماتتىق قوعام ينستيتۋتتارىن بارىنشا قولداۋ كەرەك. بۇل تۋرالى قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«اقپارات جانە قوعامدىق دامۋ مينيسترلىگى ەتنوسارالىق قاتىناس سالاسىنا جۇيەلى ساراپتاما جۇرگىزۋدە. بۇعان قوسا، مينيسترلىك قانداي دا ءبىر كيكىلجىڭ تۋىنداعان كەزدە ءتيىمدى ارەكەت جاساۋدىڭ ءادىس- تاسىلدەرىن ايقىندايدى. بارلىق دەڭگەيدەگى اكىمدەر ۇسىنىمداردى ساپالى ورىنداۋعا ءتيىس»، - دەدى قاسىم-جومارت توقايەۆ.

مەملەكەت باسشىسى بۇل جۇمىستا اسسامبلەيانىڭ تاجىريبەسىنە ارقا سۇيەگەن ءجون ەكەنىن باسا ايتتى.

«سونداي-اق بەيبىتشىلىك پەن كەلىسىمدى نىعايتۋ ءۇشىن ازاماتتىق قوعام ينستيتۋتتارىن بارىنشا قولداۋ كەرەك. ءتيىستى لاۋازىمدى تۇلعالار ولاردىڭ قىزمەتىنىڭ ۇيلەسىمدى بولۋىنا تىكەلەي جاۋاپ بەرەدى. بۇل سالادا سالعىرتتىق پەن قاتەلىككە جول بەرۋگە بولمايدى. وسىنى اركىم ەستە ساقتاۋى قاجەت»، - دەدى ق ر پرەزيدەنتى.