+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قاسىم-جومارت توقايەۆ زاڭسىز ەرۋلەرگە شىعاتىندارعا ەسكەرتۋ جاسادى

21 قازان 12:10
:ءبولىسۋ
قاسىم-جومارت توقايەۆ زاڭسىز ەرۋلەرگە شىعاتىندارعا ەسكەرتۋ جاسادى

نۇر- سۇلتان. قازاقپارات - انالار قوعام الدىندا ءوز جاۋاپكەرشىلىگىن تەرەڭ سەزىنۋى كەرەك.

بۇل تۋرالى قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«شىن مانىندە انا دەگەنىمىز - وتباسىنىڭ ۇيىتقىسى، انانىڭ ورنى ەرەكشە. ونى ءبارىمىز دە بىلەمىز. سوندىقتان ءبىز قوعامدا اناعا دەگەن قۇرمەتتى وتە جوعارى قويۋىمىز كەرەك. سونىمەن قاتار انالار دا قوعام الدىندا ءوز جاۋاپكەرشىلىگىن تەرەڭ سەزىنۋى كەرەك. كەيبىر كوپبالالى انالارىمىز زاڭسىز ەرۋلەرگە شىعىپ، ايقاي-شۋ كوتەرىپ، قوعامدىق ءتارتىپتى بۇزىپ وتىر»، - دەدى مەملەكەت باسشىسى.

ق ر پرەزيدەنتى ماسىلدىقتى - وزەكتى قوعامدىق، ءتىپتى ساياسي پروبلەما دەپ اتاۋعا بولاتىندىعىن باسا ايتتى.

«ءبىز «بەيبىت جينالىستار تۋرالى» وتە جاقسى زاڭ قابىلدادىق. كىم نە ايتسا دا، بۇل - دەموكراتيانى دامىتۋ جولىنداعى ماڭىزدى قادام. بەيبىت جينالىستار مەن دەمونستراتسيالارعا ەشكىم دە كەدەرگى كەلتىرمەيدى. وندا ءبارى جازىلعان. رەسمي رۇقسات الۋ قاجەت. بۇل جينالىستار، دەمونستراتسيالار حابارلاندىرۋ رەجيمىندە دە وتكىزىلە الادى. ءبىراق، وسىناۋ بولماشى تالاپتى كەيبىر ازاماتتار بۇزۋعا بولادى دەپ ەسەپتەيدى. وسى تەكتەس ارەكەتتەرگە قۇقىقتىق باعا بەرىلەدى. باس پروكۋرتۋرانىڭ مىندەتى - ازاماتتارىمىزعا وسى زاڭدى ءتۇسىندىرۋدى جالعاستىرۋ، ال بارلىق قۇقىق قورعاۋ ورگاندارىنىڭ مىندەتى قوعامدىق ءتارتىپتى، زاڭنامامىزعا سايكەس قولداۋ»، - دەدى قاسىم-جومارت توقايەۆ.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات