قازاقستاننان قاي ەلدەرگە ءجيى اقشا جىبەرىلەدى؟
ۇلتتىق بانكتىڭ اقشا اۋدارىمدارى جۇيەسى (س د پ) بويىنشا دەرەكتەرى نەگىزىندە جاسالعان اگەنتتىك ساراپشىلارىنىڭ ەسەپتەۋلەرى بويىنشا 2021 -جىلدىڭ باسىنان بەرى قازاقستاننان اقشا ءجيى جىبەرىلگەن ەلدەر اراسىندا وزبەكستان كوش باستاپ تۇر. ەلگە 191 ميلليارد تەڭگە جىبەرىلگەن، بۇل وتكەن جىلدىڭ وسى كەزەڭىمەن سالىستىرعاندا ەكى ەسە كوپ. بۇدان كەيىن رەيتينگتە تۇركيا (127 ميلليارد تەڭگە) جانە رەسەي (122,2 ميلليارد تەڭگە) تۇر.
ساراپشىلار 2021 -جىلدىڭ قاڭتار- تامىز ايلارىندا حالىقارالىق اۋدارىمدار ارقىلى جىبەرىلگەن اقشا قاراجاتىنىڭ جالپى كولەمى 644,3 ميلليارد تەڭگەنى قۇراعانىن ايتتى. بۇل وتكەن جىلمەن سالىستىرعاندا 40,4 پايىزعا كوپ.
سول زەرتتەۋدىڭ دەرەكتەرى بويىنشا، قازاقستانعا 2021 -جىلدىڭ قاڭتارىنان باستاپ رەسەيدەن 39 ميلليارد تەڭگە اقشا جىبەرىلگەن. بۇل رەتتە وسى ەلدەن جىبەرىلگەن قاراجات كولەمى وتكەن جىلمەن سالىستىرعاندا 22 پايىزعا از. ودان ءارى رەيتينگتە وزبەكستان (29,5 ميلليارد تەڭگە) جانە وڭتۇستىك كورەيا (27,6 ميلليارد تەڭگە).
زەرتتەۋ دەرەكتەرى بويىنشا قازاقستانداعى باسقا ەلدەردەن الىنعان قاراجاتتىڭ جالپى كولەمى 186 ميلليارد تەڭگەنى قۇرادى، بۇل ءبىر جىل بۇرىنعىعا قاراعاندا 4,5 پايىزعا ارتىق. شەتەلگە جىبەرىلگەن قاراجات كولەمى الىنعان كولەمنەن 3,5 ەسە اسىپ ءتۇستى.
