الماتىدا ينتەرنەت الاياقتاردى انىقتايتىن ارنايى توپ قۇرىلدى

الماتى. قازاقپارات - جەڭىل اقشا تابۋدى كوزدەيتىن الاياقتار حالىقتى ينتەرنەت ارقىلى توناۋعا كوشكەن. الماتى پوليسياسى ونىڭ الدىن الۋ ءۇشىن ارنايى توپ قۇردى، دەپ حابارلايدى قازاقپارات ءتىلشىسى.

الماتى قالالىق پوليسيا دەپارتامەنتى ينتەرنەتتەگى الاياقتىققا قارسى كۇرەستى كۇشەيتۋ ماقساتىندا تانىمال ينتەرنەت- رەسۋرستارىنىڭ قاۋىپسىزدىك قىزمەتى باسشىلارىمەن جانە تولەم كومپانيالارى، ەكىنشى دەڭگەيلى بانكتەردىڭ وكىلدەرىمەن كەزدەسۋ وتكىزگەن.

«دەپارتامەنتتە اقپاراتتىق تەحنولوگيالار سالاسىنداعى قىلمىستاردى اشۋ ءۇشىن ارنايى تەرگەۋ- جەدەل توبى قۇرىلدى. سونداي- اق، الاياقتىق جارناماسى بار سايتتار انىقتالۋدا، ولار «كيبەرباقىلاۋ» جۇيەسى ارقىلى بۇعاتتاۋ ءۇشىن ءىىم جىبەرىلەدى. جىل باسىنان بەرى بارلىعى 457 سايت بۇعاتتالدى. ءبىز قوعامدى عالامتور ارقىلى الاياقتىق جاساۋ جانە الدىن الۋ جولدارى تۋرالى ۇنەمى حاباردار ەتىپ وتىرامىز»، - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

سونىمەن قاتار، ول جىل باسىنان بەرى الماتىدا 2 مىڭنان استام ينتەرنەت- الاياقتىق فاكتىسى تىركەلگەنىن اتاپ ءوتتى.