ساراپشىلار: كليماتتىڭ وزگەرۋىنە ادامزات كىنالى

None
None
نۇر-سۇلتان.قازاقپارات - جالپى حالىقارالىق ۇيىمداردىڭ بۇل ماسەلەنى كوتەرىپ جاتقانىنا كوپ بولدى. جۋىردا ساراپشىلار «جەر بەتىندەگى ورتاشا تەمپەراتۋرا ءبىز ويلاعاننان دا تەز جوعارىلاپ بارا جاتقانىن» ايتىپ، شۇعىل ارەكەت ەتۋگە شاقىرعان.

اي سوڭىندا شوتلانديانىڭ گلازگو قالاسىندا ءتيىستى ماسەلەگە قاتىستى ب ۇ ۇ- نىڭ كونفەرەنتسياسى وتەدى. جالپى كليماتتىڭ وزگەرۋىنىڭ باستى سەبەبى - ادامزاتتىڭ ءىس- ارەكەتى. پارنيكتىك گازداردىڭ 78 پروتسەنتى ەكونوميكاسى جاقسى دامىعان الەمنىڭ 20 ەلىنە تيەسىلى ەكەن. الايدا بار اۋىرتپالىق دامىپ كەلە جاتقان مەملەكەتتەردىڭ موينىنا تۇسەدى. بۇعان دەيىن ولارعا دامىعان ەلدەر 2020 -جىلعا دەيىن 100 ميلليارد دوللار مولشەرىندە كومەك كورسەتىپ وتىرۋعا كەلىسكەن. الايدا كەلىسىلگەن اقشانىڭ تەك ءبىر بولىگى عانا ءبولىنىپتى.

تانگۋي گاحۋما، ب ۇ ۇ كليماتتىق كونفەرەنتسياسىنداعى افريكا دەلەگاتسياسىنىڭ باسشىسى:

- باي مەملەكەتتەر كليماتتىڭ وزگەرۋىمەن كۇرەسكە جىل سايىن 100 ميلليارد دوللار ءبولىپ وتىرۋعا كەلىستى. بۇل ءسوز عانا. شىندىعىندا ول اقشانى كورىپ وتىرعان جوقپىز. بىزگە قانشا قارجى قالاي بولىنگەنى تۋرالى ناقتى ەسەپ قاجەت. مۇنى قالاي باقىلاۋعا بولادى؟ كليماتتىڭ وزگەرۋىنە كەلگەندە، افريكا وسال ءوڭىر سانالادى. سوندىقتان بىزدە كەلىسسوزدەر جۇرگىزىپ وتىراتىنداي ۋاقىت جوق.

www.24.kz

سوڭعى جاڭالىقتار