الماتىدا «جاسىل قالا» ناۋقانى اياسىندا كوشەتتەر تەگىن تاراتىلىپ جاتىر
ەسكە سالا كەتەيىك، بۇعان دەيىن الماتىدا «جاسىل قالا» ناۋقانى باستالعانىن جازعان بولاتىنبىز. قالا اكىمىنىڭ ايتۋىنشا، الماتىلىقتار «جاسىل قالا» ناۋقانىنىڭ العاشقى ەكى كۇنىندە 500 كوشەتكە ءوتىنىم بەردى. كوشەتتەردى تەگىن تاراتۋ ناۋقانى قالا تۇرعىندارىن كوپپاتەرلى ۇيلەردىڭ اۋلالارى مەن جالپى پايدالانۋ ورىندارىن كوگالداندىرۋعا تارتۋ ماقساتىندا وتكىزىلەدى. جالپى، قالادا بيىل 350 مىڭعا جۋىق اعاش وتىرعىزۋ جوسپارلانعان. ونىڭ 64594 ءى كوكتەمدە وتىرعىزىلدى.
كۇزگى كەزەڭدە 285 مىڭنان استام كوشەت وتىرعىزۋ جوسپارلانعان. قالانىڭ جاڭا ىقشام اۋداندارىن كوگالداندىرۋعا ەرەكشە كوڭىل بولىنەدى. اعاشتاردىڭ باسىم بولىگى الاتاۋ، ناۋرىزباي اۋداندارىندا وتىرعىزىلادى. بۇگىندە تۇركسىب اۋدانىنىڭ ماياك شاعىن اۋدانىندا 280 ءتۇپ جاپىراقتى اعاش وتىرعىزىلدى. ش ا ا ج جانە قاراعايلى بوردىڭ بويىنا 8 مىڭنان استام اعاش وتىرعىزۋدىڭ دايىندىعى باستالدى. ءسوز سوڭىندا شاھار باسشىسى
«الماتىلىقتاردىڭ كوگالداندىرۋعا قاتىسۋى - قالانىڭ جاسىل قورىنا ۇقىپتى قاراۋىن قالىپتاستىرادى» دەپ اتاپ ءوتتى.