USD 436.29 EUR 492.83
RUB 5.92 CNY 68.48
جاڭالىقتار

ارالعا قانداي قاۋىپ ءتونىپ تۇر

21 قازان 07:02
:ءبولىسۋ
ارالعا قانداي قاۋىپ ءتونىپ تۇر

نۇر-سۇلتان.قازاقپارات - سىرداريا 2 ميلليارد تەكشە مەتر سۋدان قاعىلىپ وتىر. سۋ شارۋاشىلىعىن مەملەكەتارالىق ۇيلەستىرۋ كوميسسياسىنىڭ شەشىمىندە كەلىسىلگەن مىندەتتەر ءوز دەڭگەيىندە ورىندالماعان.

قازىر سۋ ارناسى كەي جەرلەردە قۇمعا تولعان. ءتىپتى، ەل ىشىندە وزەننەن ارالعا تامشى دا جەتپەيدى دەگەن اقپارات جەلدەي ەستى. بۇل قانشالىقتى راس؟ ءساۋىر مەن قىركۇيەك ارالىعىندا 4 ميلليارد تەكشە/مەتر سۋ قابىلداۋى ءتيىس اگرارلى ءوڭىر سونىڭ جارتىسىن عانا الدى. ال قازىر تىپتەن شاردارا قويماسىنان سىردارياعا جىبەرىلەتىن سۋ كولەمى 30 تەكشە/مەترگە دەيىن ازايىپ وتىر. سالدارىنان ارنا دەڭگەيى كۇرت تومەندەپ كەتكەن. دەگەنمەن ماماندار جۇرتشىلىقتى وزەن اعىنى ءبولىنىپ قالدى دەگەن قاۋەسەتكە سەنبەۋگە شاقىردى.

جورابەك ەرنازاروۆ، قازسۋشار ر م ك فيليال ديرەكتورىنىڭ ورىنباسارى:

- شاردارا سۋ قويماسىنان جىبەرىلمەگەننىڭ وزىندە قىزىلوردا سۋ تورابى مەن تومەنگى اعىس، قالانىڭ تۇسىنداعى داريا ءومىر- باقي سۋدان ايىرىلمايدى. سۋ مامانى ەمەس، بىرەۋ ايتتى ەكەن، سۋدىڭ ءتۇسىپ كەتۋى بويىنشا تولىق مالىمەت المايىنشا، بايبالام سالىپ، حالىققا باسقا ءسوز ايتۋ دۇرىس ەمەس دەپ سانايمىن. ەگجەي- تەگجەيىنە جەتپەيىنشە، مۇنداي ماسەلەنى كوتەرۋدىڭ قاجەتى جوق. جالپى ارال- سىرداريا باسسەينىندە سۋ كولەمىنىڭ تومەندەۋ سيكلى 2019 -جىلدان بەرى ايقىن سەزىلە باستاعان. مۇنى ماماندار وزەن باستاۋىنداعى سۋ قويمالارىنىڭ وزىنە تىرشىلىك ءنارى از جينالۋىمەن تۇسىندىرەدى.

سەيىلبەك نۇرىمبەتوۆ، ارال- سىرداريا باسسەيندىك ينسپەكسياسى ر م م باسشىسى:

- شاردارا سۋ قويماسىندا بىلتىر 928 ميلليون تەكشە بولسا، بيىل 776. ار جاعىنان كەلەتىن سۋ 200-250 تەكشە/مەتر سۋ كەلسە، قازىر 120. ءبارى ءبىر- بىرىمەن جالعاسىپ تۇرعان جۇيە. قايراققۇمدا دا از. ەڭ ۇلكەن 19 ميلليارد تەكشە سۋ كەتەتىن توقتوعۇل سۋ قويماسىندا بىلتىر 15، بيىل 12، الدىڭعى جىلى 17 بولعان. شىنىن ايتۋ كەرەك، كورشىلەر وزدەرىنىڭ قاجەتتىلىگىن ءبىرىنشى قامتاماسىز ەتەدى. سوڭىنا كەلگەن كەزدە ءبىز قينالىپ، وسىنداي جاعداي بولىپ وتىر.

قالىپتاسقان جاعدايعا بايلانىستى وبلىس اكىمدىگى سىردارياعا سۋ جىبەرۋ كولەمىن ۇلعايتۋ ءۇشىن ەل ۇكىمەتى مەن سالالىق مينيسترلىككە كورشى مەملەكەتتەرمەن كەلىسسوزدەر جۇرگىزۋ جونىندە ۇسىنىس جولدادى. ول ۇسىنىستار ترانسشەكارالىق وزەننەن سۋ الۋ ليميتتەرى مەن نارىن- سىرداريا سۋ قويمالارى كاسكادىنىڭ بولجامدى جۇمىس رەجيمىن كەلىسۋ كەزىندە قارالاتىندىعى بەلگىلى بولدى. سونداي- اق قازاننىڭ سوڭعى ونكۇندىگىندە جوعارىدان تومەنگى اعىسقا جىبەرىلەتىن سۋ مولشەرى 50 تەكشە/مەترگە دەيىن ۇلعايتىلادى.

اۆتورلارى: قامبار بەكەنوۆ، قانات ەڭسەبايەۆ

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات