قاراماعىنداعىلاردى ۇرىپ-سوققان جەلىلىك پوليتسيا ءبولىمىنىڭ باسشىسى جۇمىستان بوساتىلدى
بۇعان دەيىن الەۋمەتتىك جەلىدە «ەلوردا اۋەجايىنىڭ جەلىلىك پوليتسيا ءبولىمىنىڭ باستىعى ارىپتەسىن ۇرىپ-سوقتى» دەگەن ۆيدەو تاراعان ەدى.
كولىكتەگى پوليتسيا دەپارتامەنتى قىزمەتتىك تەكسەرۋ جۇرگىزدى.
«كولىكتەگى پوليتسيا دەپارتامەنتىنىڭ بۇيرىعىمەن جەلىلىك پوليتسيا ءبولىمىنىڭ باسشىسى جانە ونىڭ كادر ساياساتى جونىندەگى ورىنباسارى قىزمەتىنەن بوساتىلدى. سونىمەن قاتار جەلىلىك پوليتسيانىڭ باسشىلىق قىزمەتتەگى قىزمەتكەرلەرىنە دە قاتىستى تارتىپتىك سيپاتتاعى شارالار قابىلداندى»، - دەپ حابارلادى نۇر-سۇلتان قالاسىنىڭ پوليتسيا دەپارتامەنتى.
«كولىكتەگى پوليتسيا دەپارتامەنتىنىڭ باسشىلىعى بۇل جاعدايدى ورەسكەل جانە قولايسىز دەپ سانايتىنىن حابارلايدى. قىزمەتتىك-اسكەري ءتارتىپتى بۇزاتىن باسشىلار مەن قىزمەتكەرلەردەن ءوز قاتارىن تازارتۋ قاعيداتىن ۇستانادى»، - دەلىنگەن حابارلامادا.