بۇگىن ريم كينوفەستيۆالىندە ەلباسى جايلى فيلمنىڭ تۇساۋى كەسىلەدى

نۇر-سۇلتان. قازاقپارات - بۇگىن ريم كينوفەستيۆالىندە ەلباسى جايلى فيلمنىڭ تۇساۋى كەسىلەدى، دەپ حابارلايدى قازاقپارات.

بۇل جايىندا تۇڭعىش پرەزيدەنت - ەلباسى نۇرسۇلتان نازاربايەۆتىڭ باسپا ءسوز قىزمەتىنىڭ جەتەكشىسى ايدوس ۇكىباي Twitter پاراقشاسىندا ءمالىم ەتتى.

«بۇگىن وليۆەر ستوۋن ريم كينوفەستيۆالىندە ەلباسىمەن جاسالعان سۇحباتقا نەگىزدەلىپ تۇسىرىلگەن «Qazaq. History of The Golden Man» فيلمىن تانىستىرادى» دەپ جازدى ايدوس ۇكىباي.

ەسكە سالا كەتەيىك، «وسكار» سىيلىعىنىڭ 3 مارتە يەگەرى، «التىن گلوبۋس» سىيلىعىنىڭ 5 مارتە يەگەرى، اتاقتى كينورەجيسەر، پروديۋسەر، سەناريست وليۆەر ستوۋننىڭ پروديۋسەرلىگىمەن جارىق كورگەن «Qazaq. التىن ادام تاريحى» اتتى فيلمدى تۇسىرۋگە 19 اي كەتكەن.