+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

اتىراۋ وبلىسىندا كوروناۆيرۋس جۇقتىرعان بالالار مەن جۇكتى ايەلدەر كوبەيدى

20 قازان 20:41
:ءبولىسۋ
اتىراۋ وبلىسىندا كوروناۆيرۋس جۇقتىرعان بالالار مەن جۇكتى ايەلدەر كوبەيدى

اتىراۋ. قازاقپارات - اتىراۋ وبلىسىندا كوروناۆيرۋس جۇقتىرعان بالالار مەن جۇكتى ايەلدەر كوبەيدى، دەپ حابارلايدى قازاقپارات.

وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەندەي، وتكەن تاۋلىكتە قاۋىپتى ۆيرۋسقا شالدىققان 41 ادام انىقتالعان. ونىڭ ىشىندە 25 ناۋقاس اتىراۋ قالاسىندا تىركەلگەن.

ال، تەڭىز كەن ورنىندا - 9، جىلىوي اۋدانىندا - 3، يساتايدا - 1، قۇرمانعازىدا - 2، ماقات اۋدانىندا 1 ادامنان كوروناۆيرۋستىڭ بەلگىسى تابىلعان.

«وڭىردە 312 ادام ءۇي جاعدايىندا ەم-دوم شاراسىن الىپ جاتىر. مودۋلدىك اۋرۋحانادا - 91، تەڭىز كەنىشىندەگى ستاتسيونارداردا - 71، اۋداندارداعى ينفەكتسيالىق ستاتسيونارلاردا - 36، ال، 2№ وبلىستىق اۋرۋحانادا 14 پاتسيەنت وقشاۋلانعان. سونداي-اق، 25 جۇكتى ايەلدىڭ كوروناۆيرۋس ينفەكسياسىن جۇقتىرعانى راستالدى. قازىر ونىڭ 11 ءى ينفەكسيالىق ستاتسيونارلاردا، 14 ءى امبۋلاتوريالىق ەم قابىلداپ جاتىر. بۇعان قوسا، 104 بالاعا ءقاۋىپتى ۆيرۋس دياگنوزى قويىلدى. ءۇش بالا ستاتسيونارلاردا، 101 بالا ۇيىندە ەمدەلۋدە» - دەپ حابارلادى باسقارمانىڭ باسپا ءسوز قىزمەتى.

ەسكە سالا كەتەلىك، بۇدان بۇرىن اتىراۋدا 97 بالا كوروناۆيرۋسپەن اۋىرىپ جاتقانىن حابارلاعان بولاتىنبىز.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات