+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الماتىدا اۋا رايىنا بايلانىستى ەسكەرتۋ جاريالاندى

20 قازان 20:29
:ءبولىسۋ
الماتىدا اۋا رايىنا بايلانىستى ەسكەرتۋ جاريالاندى

الماتى. قازاقپارات- الماتى قالالىق توتەنشە جاعدايلار دەپارتامەنتى «قازگيدرومەتكە» سىلتەمە جاساپ اۋا رايىنا قاتىستى ەسكەرتۋ جاريالادى، دەپ حابارلايدى قازاقپارات ءتىلشىسى.

22- قازان كۇنى الماتى تاۋلارىندا كۇندىز جاڭبىر جانە قار جاۋىپ، نايزاعاي وينايدى. تۇمان ءتۇسىپ، كوكتايعاق بولادى. سولتۇستىك-باتىستان جەل سوعىپ، ونىڭ ەكپىنى سەكۋندىنا 15-20 مەترگە جەتپەك.

وسىعان بايلانىستى ت ج د مىناداي قاۋىپسىزدىك شارالارىن ساقتاۋدى ۇسىنادى:

- تاۋلى ايماققا بارۋدى كەيىنگە قالدىرعان دۇرىس.

- ەگەر ءسىز كىشىگىرىم توپىراق كوشكىندەردى بايقاساڭىز، وندا تاۋعا بارماعانىڭىز ءجون. قارقىندى جاۋىن-شاشىن تۇسكەن جاعدايدا تومەن تاۋلى ايماقتا توپىراق كوشكىن بولۋى مۇمكىن.

- ەگەر ءسىز تاۋدا بولساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز.

- ەگەر ءسىز تاۋ بوكتەرىندە قاردىڭ جىلجۋىن، قاردىڭ تۇيىرشىكتەرىن بايقاساڭىز، وندا تاۋلارعا بارماعانىڭىز ءجون. بۇل قاردىڭ تۇراقسىز كۇيدە ەكەنىن، كوشكىننىڭ قاۋىپى مۇمكىن ەكەنىن بىلدىرەدى.

- ۇيگە ەرتەرەك قايتۋعا تىرىسىڭىز، كەرى باعىتتى تابا الماۋىڭىز مۇمكىن.

- ريۋكزاكتاردا مىنالار بولۋى ءتيىس: جىلى كيىمدەر، كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق بولمايدى.

- ەشبىر جاعدايدا تاۋعا جالعىز بارماڭىز.

- تۋعان-تۋىستارىڭىز بەن جاقىندارىڭىزدى مارشرۋتىڭىزدىڭ باعىتى جانە ورنالاسقان جەرىڭىزدى بارىنشا تولىق حاباردار ەتۋ وتە ماڭىزدى. اۆتوكولىك جۇرگىزۋشىلەرى، ساقتىق شارالارىن ساقتاڭىز!


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات