19:04, 20 - قازان 2021 | GMT +6
چەحيا پرەزيدەنتى ەندى ءوز مىندەتتەرىن اتقارا المايدى
نۇر- سۇلتان. قازاقپارات - چەحيا پرەزيدەنتى ەندى ءوز مىندەتتەرىن اتقارا المايدى. پراگاداعى اسكەري گوسپيتال دارىگەرلەرى وسىنداي مالىمدەمە جاسادى، دەپ حابارلايدى «حابار 24».
ايتا كەتەيىك، 10- قازاندا مەملەكەت باسشىسى ميلوش زەمان جان ساقتاۋ بولىمىنە تۇسكەن. الايدا دارىگەرلەر ونىڭ ناقتى دياگنوزىن جاريا ەتپەي وتىر. ساياساتكەردىڭ بۇرىننان قانت ديابەتىمەن اۋىراتىنى بەلگىلى. اقپارات قۇرالدارى ونى باۋىرى دا مازالايتىنىن حابارلاعان. ال سوڭعى ۋاقىتتا چەحيا پرەزيدەنتىنىڭ ارباعا تاڭىلعانى انىقتالعان.
وسىعان وراي مەديتسينا قىزمەتكەرلەرى ونىڭ جاقىن ارادا قىزمەتىنە ورالۋى ەكىتالاي دەپ وتىر. ەندى پارلامەنتتىڭ قوس پالاتاسى مەملەكەت باسشىسىنىڭ وكىلەتتىن تاپسىرۋى بويىنشا داۋىس بەرۋ كەرەك. ال پوليتسيا پرەزيدەنت اكىمشىلىگىنە قاتىستى تەرگەۋ باستادى. ويتكەنى ولار ميلوش زەماننىڭ دەنساۋلىعى جونىندەگى اقپاراتتى بۇرمالاۋى مۇمكىن دەگەن حابار تاراعان.