+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قالجىر وزەنىن لاستاعاندار جاۋاپقا تارتىلدى

20 قازان 17:53
:ءبولىسۋ
قالجىر وزەنىن لاستاعاندار جاۋاپقا تارتىلدى

نۇر- سۇلتان. قازاقپارات - مەملەكەت باسشىسى ق. توقايەۆتىڭ تاپسىرماسىن ورىنداۋ اياسىندا شىعىس قازاقستان وبلىسى بويىنشا ەكولوگيا دەپارتامەنتى كۇرشىم اۋدانىنداعى قالجىر وزەنىنىڭ لاستانۋ فاكتىسى بويىنشا تەكسەرۋ جۇرگىزدى.

بيىلعى جىلدىڭ مامىر ايىندا اقبۇلاق اۋىلدىق وكرۋگىنە قاراستى «شاندىبۇلاق» ۋچاسكەسىندە جۇرگىزىلگەن رەيدتىك شارالار بارىسىندا كۇرشىم اۋداندىق پوليتسيا ءبولىمى جەكە كاسىپكەر سەرگەي حۆاننىڭ رۇقسات قۇجاتتارىنسىز التىندى ءوز ەركىمەن ءوندىرۋ فاكتىسىن انىقتادى. بۇل تۋرالى ەكولوگيا مينيسترلىگى حابارلادى.

6- قىركۇيەكتە قالجىر وزەنىنىڭ لاستانۋى تۋرالى كەلىپ تۇسكەن بەينەسيۋجەت نەگىزىندە ەكولوگيا دەپارتامەنتى، تابيعاتتى قورعاۋ پوليتسياسى، باسسەيندىك ينسپەكتسيا جانە باسقا دا مەملەكەتتىك ورگاندار قىزمەتكەرلەرى اتالعان جەرگە باردى. بەلگىلى بولعانداي، جاقىن ارادا «س. ا. حۆان» جەكە كاسىپكەر وكىلدەرى سوت قاۋلىسىن ورىنداۋ ءۇشىن قالجىر وزەنىنىڭ ارناسى مەن جانە جايىلمالى بولىگىندەگى، سونداي- اق شاندىبۇلاق بۇلاعىنداعى زاڭسىز سالىنعان بوگەتتەر مەن توعانداردى بۇزعان. سونىڭ اسەرىنەن قالجىر وزەنىنىڭ نەگىزگى ارناسىنا تۇسكەن ۇساق قۇمدى توپىراق ونىڭ ەداۋىر اۋماعىن لاستاعان. لاي تۇنبالى لاس سۋ وزەن اعىسىمەن ءبىرشاما قاشىقتىققا جايىلىپ، 53,3 مگ/م3 دەيىنگى قالقىما زاتتارمەن لاستانۋعا اكەلدى.

قالجىر وزەنىنىڭ ودان ءارى لاستانۋىنا جول بەرمەۋ ءۇشىن ەكولوگيا دەپارتامەنتىنىڭ ينسپەكتورلارى زاڭسىز قۇرىلىستاردى قالپىنا كەلتىرۋ جۇمىستارىن توقتاتتى. اتالعان جۇمىستاردى قاۋىپسىز جۇرگىزۋ ءۇشىن جوبالىق قۇجاتتامانى ازىرلەۋ ۇسىنىلدى. بۇگىنگى كۇنى تابيعي سۋلاردى سىناۋ حاتتامالارىنا سايكەس زيان شەككەن سۋ ايدىنىنداعى لاستاۋشى زاتتاردىڭ قۇرامى شەكتى رۇقسات ەتىلگەن كونتسەنتراتسيادان اسپايدى. جەر ءۇستى سۋلارىنىڭ ساپاسى قالپىنا كەلتىرىلدى.

التىن كەنىن ىزدەۋ بويىنشا جۇمىستاردى زاڭسىز جۇرگىزگەنى، رۇقسات ەتىلمەگەن قۇرىلىستاردى بۇزۋ تۋرالى سوت شەشىمىن ورىنداماعانى، سونداي- اق ەكولوگيالىق ساراپتاما جۇرگىزبەي وبەكتىلەردى ءوز بەتىنشە سالعانى ءۇشىن كۇرشىم اۋدانىنىڭ №2 اۋداندىق سوتى مەن ش ق و ەكولوگيا دەپارتامەنتىنىڭ شەشىمىمەن كاسىپكەرلەرگە جالپى سوماسى جارتى ميلليون تەڭگەدەن استام ايىپپۇل سالىنىپ، كەن وندىرۋشىلەككە بەرىلگەن ليتسەنزيالارى كەرى قايتارىلدى.

بۇدان باسقا، قۇقىق بۇزۋشىلىقتاردىڭ سالدارىن جويۋ ماقساتىندا «حۆان» ج ك رەمەدياتسيا باعدارلاماسىن بەكىتتى، وعان سايكەس بيىلعى جىلعى قاراشاعا دەيىن قالجىر وزەنىنىڭ گيدرولوگيالىق رەجيمىن جانە تاۋ لاندشافتىن قالپىنا كەلتىرۋ بويىنشا ءبىرىنشى كەزەكتەگى ءىس- شارالاردى ورىنداۋ قاجەت. قازىرگى ۋاقىتتا ءوڭىر اكىمدىگى تابيعي كومپونەنتتەردى قالپىنا كەلتىرۋ بويىنشا جۇمىستاردىڭ كەڭەيتىلگەن سمەتالىق ەسەبىن جاساۋدى پىسىقتاۋدا، ونىڭ سوماسىنا بايلانىستى پوليتسيا ورگاندارى ق ر ق ك 324، 328، 333 جانە 334-باپتارى بويىنشا كىنالى ادامداردى قىلمىستىق جاۋاپكەرشىلىككە تارتۋ تۋرالى ماسەلەنى قارايتىن بولادى.

سونىمەن قاتار، وسىنداي زاڭ بۇزۋشىلىقتاردى بولدىرماۋ ماقساتىندا مەملەكەتتىك ورگانداردىڭ وكىلدەرى جەرگىلىكتى بەلسەندىلەرمەن كەزدەسۋ ۇيىمداستىردى، ونىڭ ناتيجەسىندە قۇقىق بۇزۋشىلاردى كارەرلەردى رەكۋلتيۆاتسيالاۋ جونىندەگى جوبالاردى (ونىڭ ىشىندە ءتۇبىن ءقاۋىپسىز تاسىلمەن تازارتۋدى جۇرگىزۋ) ازىرلەۋگە مىندەتتەۋ، سونداي- اق جەر قويناۋىن پايدالانۋشىلاردىڭ قىزمەتىنە قوعامدىق باقىلاۋدى كۇشەيتۋ جونىندە شەشىم قابىلداندى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات