نىعماتۋلين ۆيتسە-پرەمەردەن پارلامەنتتە ءدارىس وقىماۋدى سۇرادى

الماتى. قازاقپارات - پرەمەر-ءمينيستردىڭ ورىنباسارى ەرالى توعجانوۆ قازاقستان حالقىنىڭ رەۆاكسيناتسياسىنا اقشانى قايدان الاتىنىن ايتتى.

ءماجىلىس وتىرىسىندا دەپۋتات جاميلا نۇرمانبەتوۆا 2022-2024 -جىلدارعا ارنالعان رەسپۋبليكالىق بيۋدجەت جوباسىندا ۆاكسينا ساتىپ الۋعا، قازاقستاندىقتارعا رەۆاكسيناتسيا جاساۋعا اقشا جوق ەكەنى ايتىلدى. بۇل رەتتە ەلىمىزدە ۆاكسيناتسيالاۋعا جاتاتىندار سانى 9,9 ميلليوننان 11,4 ميلليونعا دەيىن ۇلعايتىلادى. «ايتىڭىزشى، ۆاكسينا قانداي قاراجاتقا ساتىپ الىنادى؟» - دەپ سۇرادى دەپۋتات.

توعجانوۆ قاراشانىڭ ءۇشىنشى ونكۇندىگىنەن كەيىن ەكىنشى ۆاكسيناتسيانى جۇرگىزۋ جوسپارلانعانىن ايتتى، التى اي ىشىندە - يناكتيۆتەلگەن ۆاكسينانى قابىلداعاندارعا، ۆەكتورلىق ۆاكسينانى العاندارعا - توعىز ايدا.

«ءبىرىنشى كەزەكتە الدىڭعى قاتاردا جۇرگەندەر: دارىگەرلەر، مۇعالىمدەر، سونداي-اق 60 جاستان اسقان ازاماتتار ۆاكسينا الادى. حالىق جىل سوڭىنا دەيىن ۆاكسينامەن تولىق قامتاماسىز ەتىلەدى. جالپى 800 مىڭ ادامدى، ونىڭ ىشىندە 100 مىڭ ادامدى جىل سوڭىنا دەيىن قامتۋ جوسپارلانىپ وتىر. كەلەسى جىلى ءبىز ەكى ميلليونعا جۋىق ادامدى قامتۋدى جوسپارلاپ وتىرمىز. ال 2023-2024 -جىلدارى سول كەزدەگى جاعدايعا بايلانىستى كورە جاتارمىز. حالىقارالىق تاجىريبەگە سۇيەنە وتىرىپ، شارالار قابىلداناتىن بولادى. قازاقستاننىڭ بارلىق تۇرعىندارى ۆاكسينامەن، ونىڭ ىشىندە ريەۆاكسيناتسيامەن قامتاماسىز ەتىلەدى»، - دەپ جاۋاپ بەردى توعجانوۆ.

ءماجىلىس سپيكەرى نۇرلان نىعماتۋلين پرەمەر-ءمينيستردىڭ ورىنباسارى سۇراققا جاۋاپ بەرمەگەنىن ايتتى.

«ەرالى لۇقپان ۇلى، سۇراق باسقاشا قويىلدى. ءبىز كوميسسيانىڭ قالاي جۇمىس ىستەيتىنىن بىلەمىز. سۇراق تىكەلەي قويىلدى: ۆاكسينانى قانداي قاراجات ەسەبىنەن ساتىپ الاسىز؟ قاراجات رەزەرۆتەن الىنادى ما؟»- دەپ سۇرادى نىعماتۋللين.

توعجانوۆ رەۆاكسيناتسيا مەن ۆاكسيناتسياعا قاراجات ۇكىمەت رەزەرۆىنەن الىناتىنىن راستادى.

«وسىلاي ايتۋ كەرەك. سودان كەيىن ءسىز ايتقان اقپاراتتى ءبارىمىز بىلەمىز. قۇرمەتتى ۇكىمەت مۇشەلەرى، وسىنداي سۇراقتارعا تىكەلەي ناقتى جاۋاپ بەرۋلەرىڭىزدى سۇرايمىن. دارىستەردى مۇندا ەمەس، باسقا اۋديتوريالاردا وقۋ كەرەك»، - دەپ تۇيىندەدى نىعماتۋللين.

Tengrinews.kz