پرەزيدەنت قاراعاندى وبلىسىنا جۇمىس ساپارىمەن كەلدى

جەزقازعان. قازاقپارات – ق ر پرەزيدەنتى قاسىم-جومارت توقايەۆ قاراعاندى وبلىسىنا جۇمىس ساپارىمەن كەلدى، دەپ حابارلايدى قازاقپارات.

بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى. «مەملەكەت باسشىسى جەزقازعان قالاسىندا جايرەم پوليمەتالل كەن بايىتۋ فابريكاسىن رەسمي ىسكە قوسۋ راسىمىنە قاتىسادى. سونىمەن قاتار «قازاقمىس» كومپانياسىنىڭ جەزقازعان ءوڭىرىن الەۋمەتتىك تۇرعىدان دامىتۋ جانە ونىڭ مينەرالدىق شيكىزات بازاسىن كەڭەيتۋ جونىندەگى جوسپارىمەن تانىسادى. بۇدان بولەك پرەزيدەنت دارىندى بالالارعا ارنالعان، مامانداندىرىلعان «وركەن» مەكتەپ-ينتەرناتىنا جانە ۇلىتاۋ اۋدانىنداعى «جوشى حان» تاريحي-مادەني كەشەنىنە بارادى»، دەلىنگەن حابارلامادا.