ەرجان ەركىنبايەۆ ق ر مادەنيەت جانە سپورت ۆيتسە- ءمينيسترى بولىپ تاعايىندالدى

نۇر- سۇلتان. قازاقپارات - قازاقستان رەسپۋبليكاسى ۇكىمەتىنىڭ قاۋلىسىمەن ەرجان مالىك ۇلى ەركىنبايەۆ ق ر مادەنيەت جانە سپورت ۆيتسە- ءمينيسترى قىزمەتىنە تاعايىندالدى.

بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلايدى.

ەرجان ەركىنبايەۆ 1982 -جىلى جامبىل وبلىسىنىڭ شۋ قالاسىندا دۇنيەگە كەلگەن. قازاق مەملەكەتتىك زاڭ اكادەمياسىن، ر ف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن جانە حالىقارالىق بيزنەس اكادەمياسىن ءتامامداعان.

ەڭبەك جولىن 2002 -جىلى جەكە كومپانيادا زاڭگەر بولىپ باستاعان. ءتۇرلى جىلدارى جەكە كومپانيالاردا جوبالار جەتەكشىسى، زاڭگەر بولىپ جۇمىس ىستەگەن.

2009-2013 — «شىمبۇلاق» تاۋ شاڭعىسى كۋرورتىنىڭ باس ديرەكتورى.

2013-2016 — «مەدەۋ» سپورت كەشەنىنىڭ باس ديرەكتورى.

2016-2019 — الماتى مەملەكەتتىك زوولوگيالىق پاركىنىڭ ديرەكتورى.

2019 -جىلعى قاراشادان باستاپ قازىرگى ۋاقىتقا دەيىن «Kazakh Tourism» ۇلتتىق كومپانياسى ا ق باسقارما ءتوراعاسى بولدى.